БСШУС-ын сайд Ц.Цогзолмаа НАМЭХ-ны баруун бүсийн зөвлөгөөнд оролцож байна
МАН-ын дэргэдэх эмэгтэйчүүдийн байгууллага Нийгмийн ардчилал эмэгтэйчүүдийн холбоо аймаг, орон нутаг дахь салбар зөвлөлүүдийн үйл ажиллагаанд зөвлөн туслах, нэгдсэн цогц мэдээллийг хүргэх, ажлын уялдаа холбоог сайжруулах, удирдах ажилтнуудыг идэвхжүүлэн чадавхжуулах зорилгоор дөрвөн бүсэд удирдах ажилтны бүсчилсэн зөвлөгөөнийг үе шаттайгаар зохион байгуулж байна.
Энэ оны 10-р сард хангайн, төвийн, зүүн бүсийн зөвлөгөөнийг тус тус зохион байгуулсан бол УИХ-ын гишүүн, БСШУС-ын сайд, НАМЭХ-ны ерөнхийлөгч Ц.Цогзолмаа, НАМЭХ-ны баруун бүс хариуцсан нарийн бичгийн дарга, ХХААХҮЯ-ны дэд сайд Ж.Сауле тэргүүтэй ажлын хэсэг Ховд аймгийн МАН-ын хороо, Ховд аймгийн ЗДТГ, аймгийн МАН-ын хорооны дэргэдэх НАМЭХ-той хамтран НАМЭХ-ны баруун бүсийн удирдах ажилтны зөвлөгөөнийг 11-р сарын 3-4-ний өдрүүдэд баруун бүсийн тулгуур төв Ховд аймагт зохион байгуулж байгаа юм.
Зөвлөгөөнд НАМЭХ-ны удирдах зөвлөл, хяналтын хорооны гишүүд, ажлын алба, Ховд, Увс, Баян-Өлгий, Завхан, Говь-Алтай аймгуудын НАМЭХ-ны сонгуульт эмэгтэйчүүдийн төлөөлөл нийт 150 гаруй эмэгтэйчүүд оролцож байгаа бөгөөд БСШУС-ын сайд, НАМЭХ-ны ерөнхийлөгч Ц.Цогзолмаа тус зөвлөгөөний оролцогчдод баяр хүргэж, мэндчилгээ дэвшүүллээ.
Маргааш тэрээр Ховд аймгийн соёлын ажилтны анхдугаар зөвлөгөөний нээлтэнд оролцохын сацуу Дөргөн, Мянгад, Буянт сумдад ажиллана.
Сэтгэгдэл байхгүй байна.