Улаанбаатар /МОНЦАМЭ/. УИХ-ын  дарга М.Энхболдыг огцрохыг шаардаж, өнөөдөр Л.Болд, Ж.Батзандан, Л.Оюун-Эрдэнэ, Т.Аюурсайхан гишүүн чуулганы нэгдсэн хуралдааны танхимын өмнө суулт зарлалаа.

УИХ-ын 2016 оны сонгуулийн үеэр тухайн үеийн МАН-ын удирдлагууд төрийн удирдах албан тушаалуудыг үнэлэх замаар "60 тэрбум” төгрөг босгох төлөвлөгөө боловсруулж буй бичлэг олон нийтийн сүлжээгээр тархсан болсон. Уг хэрэгт УИХ-ын дарга М.Энхболд нэр холбогдсон тул түүнийг чуулган даргалах эрхгүй хэмээн дээрх гишүүд үзэж буй юм.

 

Ч.Ариунболд

Эх сурвалж: Монцамэ агентлаг