Экс Ерөнхийлөгч Ц.Элбэгдорж Давосын чуулга уулзалтад урилгаар оролцож байна

1

 

Экс Ерөнхийлөгч Ц.Элбэгдорж Давосын чуулга уулзалтад урилгаар оролцож байна

 

Дэлхийн эдийн засгийн чуулга уулзалт Швейцар улсын Давос хотноо энэ долоо хоногт эхэлсэн. Тус уулзалтад Монгол улсын ерөнхийлөгч асан Ц.Элбэгдорж урилгаар оролцож байна. Тэрбээр "Давос”-ын чуулга уулзалтын сонин хачин, эргэн тойронд болж буй үйл явдлын талаар өөрийн цахим хуудсаараа дамжуулан хуваалцжээ.

 

Экс ерөнхийлөгч Ц.Элбэгдорж хэлэхдээ "Манай улс "Давос”-ын чуулга уулзалтад маш идэвхтэй оролцож эхэлсэн. Гурав дахь өдрөө үргэлжилж байгаа энэхүү чуулга уулзалтаар технологи, шинжлэх ухааны асуудлууд, эрүүл мэнд, улс төрийн, хүмүүнлэгийн ажлууд хэрхэн өөрчлөгдөж байгаа, эрчим хүчний үйл ажиллагааг сэргээгдэх эрчим хүчнээс авах зэрэг маш олон асуудлуудыг хэлэлцэж байна.

Ардчиллын үйл явц өрнөж буй энэ эрин үед ямар хэлбэрээр өөрчлөгдөж ямар арга замаар явж байгаа тухай энэ чуулга уулзалтаар их яригдлаа. Энэ асуудал дээр би нэлээн идэвхтэй оролцсон.

Мөн ОХУ олон БНХАУ-ын өрсөлдөх чадвар гэсэн сэдвийн хүрээнд тусдаа хэлэлцүүлэг явсан. Нэг үе энэ чуулга уулзалтад Монгол улстай холбоотой 5-8 асуудал хэлэлцэгддэг байсан. Одоо нэг ч асуудал байхгүй болсон байна. Энэ чуулга уулзалтаар 500 гаруй сэдвийн хүрээнд  хэлэлцүүлэг өрнөж байна” гэлээ.

Мөн энэ үеэр ерөнхийлөгч асан Ц.Элбэгдорж даяарчлагдаж буй өнөөгийн нийгэмд боловсрол, эрүүл мэнд, хууль хүчний байгууллагууд маш хурдацтай өөрчлөгдөж, шинэ төвшинд хүрч байгааг онцлон хэлсэн юм.


Холбоотой мэдээ

Сэтгэгдэл үлдээх

АНХААРУУЛГА: Уншигчдын бичсэн сэтгэгдэлд www.Tonshuul.mn хариуцлага хүлээхгүй болно.

Сэтгэгдэл:
Bold Italic Underline Strike | Align left Center Align right | Insert smilies Select color | Add Hidden Text Insert Quote Convert selected text from selection to Cyrillic (Russian) alphabet Insert spoiler
1 сэтгэгдэл
:

яаж авилга хулгай луйвар хийх зэргийг гарамгай хийдэг, улс орныг дампууруулж болдгийг, идсэн мөнгөөрөө покер тоглохыыг ярихгүй бол энэ П -...д ярих юм байхгүй.