БНСУ, АНУ-ын тусгай төлөөлөгчид БНАСАУ-ын цөмийн хөтөлбөрийн асуудлыг хэлэлцэнэ
БНАСАУ-ын цөмийн асуудал эрхэлсэн БНСУ-ын тусгай элч Ли Ду Хун болон Америкийн төлөөлөгч Стивен Бигэн нар Вашингтон хотод яриа хэлэлцээ хийнэ гэж "Yonhap” агентлаг мэдээлэв. Яриа хэлэлцээний үеэр талууд БНАСАУ-ын эрх баригчдад чиглэсэн цаашдын бодлогыг хэлэлцэх юм байна.
"Энэ асуудлаар БНСУ болон АНУ нягт хамтран ажиллаж байгаа. С.Бигэн мөн Японы Гадаад хэргийн яамны Ази, Далайн орнуудын газрын захирал Кэнзи Канасугитай яриа хэлэлцээ хийнэ” хэмээн АНУ-ын Төрийн департаментын хэвлэлийн албаны орлогч дарга Роберт Палладино мэдэгджээ.
"Yonhap” агентлагийн мэдээлснээр, С.Бигэн, Ли Ду Хун, Кэнзи Канасуги нарын гурван талт уулзалт Вашингтон хотод болж магадгүй байна.
Сэтгэгдэл байхгүй байна.