Америкийн "Boeing” компани нэг сарын хугацаанд 737 загварын зорчигч тээврийн онгоцны нэг ч захиалга аваагүй нь сүүлийн 7 жилд тохиосон анхны тохиолдол болжээ.  

 

Өнгөрсөн сард компани "Boeing 737 MAX” загварын 11 онгоцыг захиалагчиддаа нийлүүлсэн нь өмнөх саруудын захиалгын тоотой харьцуулахад хоёр дахин бага байжээ. Өнгөрсөн 2 дугаар сард "Boeing” компани тус загвараас нийт 27 захиалга авсан бол 1 дүгээр сард 24-г авсан байна.

"Boeing” компанид 4625 гүйцэтгээгүй захиалга байгааг "The Wall Street Journal” сонин онцлон тэмдэглэжээ. Эдгээр захиалга нь ойрын хугацаанд компанийн ашиг орлогын түвшинг тогтвортой байлгах боломжийг олгоно гэж шинжээчид үзэж байна.

Өнгөрсөн сарын 10-нд "Ethiopian Airlines” агаарын тээврийн компанийн "Boeing 737 MAX 8” осолдож, онгоцонд байсан бүх хүн амиа алдсан юм. "737 MAX” загварын онгоцныхоо нийлүүлэлтийг түр хугацаанд зогсоох тухайгаа "Boeing” компанийн төлөөлөгчид 3 дугаар сард мэдэгдсэн юм. Хожим нь энэ загварын үйлдвэрлэлийн хэмжээг бууруулах тухайгаа мөн мэдэгдсэн.