"COVID-19” цар тахлын үед алтны үнэ Японд сүүлийн 40 жилийн хугацаан дахь хамгийн өндөр түвшинд хүрч өсжээ. 

 

Японы "Танака кикинзоку" компани даваа гарагт нэг грамм алтыг 6513 иен буюу 60 гаруй ам.доллароор худалдаж байна гэж "Kyodo” агентлаг мэдээлсэн байна. Энэ нь баасан гаргийн арилжаанаас 32 иенээр өссөн үзүүлэлт юм.  "Танака кикинзоку" компани нь энэхүү үнэт металлын үнийг тодорхойлдог аж. Иранд исламын хувьсгал гарч, Зөвлөлтийн цэргүүд Афганистан руу орсны дараа дэлхийн зах зээл хямарч болзшгүй гэх болгоомжлолтой холбоотойгоор Японд 1980 оны нэгдүгээр сард алтны үнэ огцом нэмэгдэж байжээ.

Санхүүгийн зах зээлд үүссэн гэнэтийн асуудлууд хувьцааны үнэ болон Засгийн газрын бондын уналтыг үүсгэж болзошгүй гэх болгоомжлол алтны эрэлтийг ихэвчлэн нэмэгдүүлдэг гэж  "Kyodo”  агентлаг тэмдэглэсэн байна.