Коронавирусний цар тахлыг тогтоон барихын тулд засгийн газрууд арга хэмжээнүүд авч хэрэгжүүлсэнтэй холбоотойгоор хар тамхины хууль бус наймаа явуулдаг чиглэл өөрчлөгджээ. Энэ тухай НҮБ-ын Мансууруулах бодис, гэмт хэргийн асуудал эрхэлсэн газрын илтгэлд дурдсан байна.

 

Илтгэлд дурдсанаар, агаарын тээврийн хөдөлгөөнийг хязгаарласнаас гадна бусад тээврийн хэрэгслийн хөдөлгөөнийг багасгаад байгаа нь хар тамхины нийлүүлэлтийн хэлхээг тасалдуулж, хууль бус наймаачид өөр замаар наймаагаа хийх хувилбарыг хайх болжээ.

Тухайлбал, синтетик мансууруулах бодис буюу метамфетаминийг голдуу агаарын тээврээр хил нэвтрүүлдэг учир агаарын тээврийн хөдөлгөөнийг хязгаарлаж байгаа нь ийм төрлийн хууль бус наймаанд ихээхэн нөлөөлсөн байж магадгүй юм.

Харин кокаины дийлэнх хэсгийг усан замаар тээвэрлэдэг бөгөөд кокаины нийлүүлэлт европын боомтууд руу цар тахал дэгдээд байгаа үед ч тасралтгүй хийгдсээр байгааг илтгэлд дурдсан байна. Героиныг ихэвчлэн хуурай замаар зөөвөрлөдөг байсан бол цар тахлын үед голдуу усан замаар тээвэрлэх болжээ.