НОБГ-ын Хан-Уул, Сонгинохайрхан дүүргийн Онцгой байдлын хэлтсийн алба хаагчид, Гэр бүл, хүүхэд залуучуудын хөгжлийн хэлтэс, Цагдаагийн газартай хамтран иргэдийг усны ослоос урьдчилан сэргийлэх эргүүл, шалгалтыг тогтмол зохион байгуулж байна.

 Алба хаагчид Хан-Уул дүүргийн 4 дүгээр хороо Яармагийн гүүрнээс 8 дугаар хороо Сонсголонгийн гүүр хүртэл Туул голын эрэг дагуу үүрэг гүйцэтгэж байгаа юм.

Үүрэг гүйцэтгэх хугацаанд голын эрэг дагуу амарч, зугаалж байгаа иргэдэд сэрэмжлүүлэг өгч, гарын авлага, зөвлөмжийг тараан, голын ногоон бүсэд байгаа автомашинуудыг холдуулах ажлыг хийж, урьдчилан сэргийлэх арга хэмжээг авч хэрэгжүүлэн ажиллаж байна.Энэ үеэр Гэр бүл, хүүхэд залуучуудын хөгжлийн хэлтсээс Яармагийн гүүрнээс Сонсголонгийн гүүр хүртэлх голын эрэг дагуу зургаан ширхэг сэрэмжлүүлэг бүхий самбарыг байршууллаа гэж   НОБГ-ын Хан-Уул дүүргийн Онцгой байдлын хэлтсээс мэдээллээ.