Ерөнхий сайд асан Д.Бямбасүрэн: Ерөнхий сайдын үгээс “Би огцрохгүй шүү” гэж байна л гэж ойлгосон
Монгол Улсын Ерөнхий сайд асан Дашийн Бямбасүрэн ETV телевизид өгсөн шинэхэн ярилцлагыг та бүхэнд дамжуулан хүргэе. Монгол Улсын эдийн засгийн хамгийн хүнд хэцүү үед, Ерөнхий сайд асан П.Жасрай агсны хэлсэнчлэн "Ард түмэн аврал эрсэн нүдээр саарал ордныг ширтэж” байсан тэр үед улс орноо авч гарсан хүлээн зөвшөөрөхөөс аргагүй энэ эрхмийн УИХ-ын намрын чуулган эхэлсний дараахан ярьсан үг яах аргагүй анхаарал татаж байна.Ерөнхий сайд асан Д.Бямбасүрэн өнөөдөр аль нэг улс төрийн хүчинд тал засах, хэн нэг улстөрчид таалагдах шалтгаангүй шаардлагагүй фигур. Тиймээс чухам үнэнийг л ард түмэнд хүргэх нь дамжиггүй гэсэндээ үг нь үнэд хүрээд байдаг хэрэг. Өөрөөр хэлбэл, "Яг юу болоод байгааг” тэр эрхэм хэлдэг юм. Улс төрийн туршлага, мэдрэмжээс гадна "Өнгөрсөн, одоо, ирээдүй”-г үнэлж, дүгнэж чадна гэсэндээ Ерөнхий сайд асан Д.Бямбасүрэн гуайн үгийг хүмүүс сонсохыг хүсдэг. Өнөөдөр ч гэсэн түүний үг үнэтэй, үнэнтэй, жинтэй хэвээрээ байна.
uls.mn