Иргэн Ч.Маралмаад холбогдох эрүүгийн хэргийн шүүх хурал өнөөдөр болох байсан ч хойшлогдлоо. Түүний өмгөөлөгчийн хүсэлтээр өнөөдрийн хурлыг гуравдугаар сарын 6-ныг хүртэл хойшлуулсан байна. Ингэснээр шүүх хурал хоёр дахь удаагаа хойшилж байна.

Өмнөх хуралд тэрээр өмгөөлөгчөөсөө татгалзаж, шинэ өмгөөлөгч авахаар болсон юм.

Хэргийг эргэн сануулбал, Ч.Маралмаа 2022 оны аравдугаар сарын 10-ны өдөр "Олимп” хотхоны хойд замд "Toyota Landcruiser 200” маркийн тээврийн хэрэгслийг жолоодон замын хөдөлгөөнд оролцохдоо урсгал сөрөн явган зорчигч 12 настай С, Э нарыг дайрч, эрүүл мэндэд нь хохирол учруулж, долоон автомашин мөргөсөн осол гаргасан бөгөөд хэргийн гэм бурууг тогтоох шүүх хурал товлогдоод байгаа билээ