Олон улсын жүдо бөхийн холбооноос (IJF) Антальягийн "Их Дуулга”-ын дараа чансааг шинэчиллээ. Энэ чансаагаар Катарын нийслэл Дохад болох Жүдо бөхийн насанд хүрэгчдийн Дэлхийн аварга шалгаруулах тэмцээнд Монголын дөрвөн жүдоч хэсэг толгойлон барилдах боломжтой аж. Тодруулбал, Манай жүдочдоос ОУХМ Ё.Басхүү 4744 оноогоор 66 кг-ын жинд аман хүзүүнд бичигдэж байгаа бол 73 кг-д гавьяат тамирчин Ц.Цогтбаатар 73 кг-д 5636 оноогоор гурав, +100 кг-д ОУХМ О.Цэцэнцэнгэл +100 кг-д 4503 оноогоор дөрөв, 60 кг-д ОУХМ Э.Ариунболд 3537 оноогоор наймдугаар байрт жагсаж байна. Тэднээс гадна чансааны манай зургаан жүдоч "Топ-20”-д багтсан бөгөөд эрэгтэйчүүдийн 60 кг-д Э.Сумъяабазар 18 (2450 оноо), 66 кг-д Б.Эрхэмбаяр 10 (3197), эмэгтэйчүүдийн 48 кг-д Г.Наранцэцэг 10 (3763), Б.Баасанхүү 15 (3000), 57 кг-д Л.Энхрийлэн 14 (3201), +78 кг-д А.Адъяасүрэн 11 (3407) байрт бичигдлээ.

Сонирхуулахад, Катарын нийслэл Дохад болох Жүдо бөхийн насанд хүрэгчдийн Дэлхийн аварга шалгаруулах тэмцээн тавдугаар сарын 7-14-ны өдрүүдэд болох юм.