ШИНЭ ЦАГИЙН КАПИТАН
Үгээр түүгээр сонгуулийн өнгө өнгийн шуум ид хүчээ авч байна. Улстөрийн хүрээнийхэндээ Д.Амарбаясгалан хүлээн зөвшөөрөгдсөн хүн. Албан тушаал аваад урсгал дагаж урсахыг хүсээгүй сэлүүрчин. Өөрийн гэх завь үүсгэж залууст манлайлал үзүүлж улам л хүчирхэгжиж ирсэн шинэ цагийн толгой капитан гэхэд хэн ч маргахгүй биз ээ. Харин залуус яагаад түүнийг дэмжих ёстой вэ гэдэг дээр санаа бодлоо чилээе. Тэр залуусын дуу хоолойны түүчээ болж, төрийн албанд хүний нөөцийн шинэчлэл хийж эхлүүлсэн хүн. Танил талаараа биш мэдлэг боловсролтой залуус өндөр цалинтай ажилд ордог үүд хаалгыг тэр залуу үедээ нээж өгсөн. Д.Амарбаясгалан Хэрэг эрхлэх газрын даргаар ирснээс хойш Монголд анх удаа төрийн өмчит компаниудад нээлттэй ажлын байрыг нэгдсэн журмаар зарласан. Гавьяаг нь өндөр цалинтай ажилд өрсөлдөж орсон залуус хүртсэн. Энэ үйл хэргийг үргэлжлүүлэх, залуус ирээдүйд хүртэх боломжийнхоо төлөө Д.Амарбаясгаланг дэмжих хэрэгтэй. Тэр эхэлсэн бол ажлаа дуусгадаг дайчин зан чанартай тууштай улстөрч. Бүхий салбарын үүд хаалга нь залууст нээлттэй байдаг сайхан цагийн төлөө Д.Амарбаясгалангийн эхлүүлсэн ажлыг дуусгахын тулд дэмжих ёстой гэж хэлээд байгаа санаа минь энэ. Тэр бол гурван нүүдлийн цаад газрыг хараад цаасан дээр "бүрэн зураглал” хийж суудагстратегич нөхөр. Намын шинэчлэлийг түүчээлж, залуу үеэр цус сэлбэж чадсан зоригтой улстөрч.
Түүний дараагийн гавьяа бол нүүрсчидтэй хийсэн тэмцэл. Талбай дээр залуус цуглаж боломжийг хулгайлсан нүүрсний хулгайч нартхариуцлага тооцон Засгийн газрыг ажлаа хийхийг шаардаж байв, дүн өвлөөр шүү. Төрийг аалзны тор шиг бүрхсэн авлигаар хөлжсөн албан тушаалтнуудын өмнөөс Д.Амарбаясгалан бат зогсож нүүрсний хулгайтай тэмцэж чадсан. Тэр тэмцсэн, зүтгэсэн, хариуцлага тооцож чадсан. Түүний үр дүнд Эрдэнэс тавантолгойн ашиг орлого гурав дахин нэмэгдэн түүхэндээ байгаагүй өндөр амжилт тогтоож чадсан юм. Залуусын үгийг тэр сонссон шаардлагыг биелүүлэхийн төлөө хамгийн ихээр зүтгэсэн. Тийм учраас залуус түүний дэмжих ёстой.
Д.Амарбаясгалангийн дараагийн тэмцэл бол жирийн иргэдийнхээ халаасыг сэгсрэх хүсэлтэй гурил үйлдвэрлэгчийн бүлэглэлтэй хийсэн тэмцэл байв. Айл өрхийн хүнсний хэрэглээний 60-70 хувьд гурил ордог. Гэтэл гурил үйлдвэрлэгч нар хоорондоо үгсэн хуйвалдаж үндэслэлгүйгээр гурилын үнийг нэмэв. Төрөөс татаас өгч, тэр ч бүү хэл хамгийн бага хүүтэй зээлийг өгчхөөд байхад гурил үйлдвэрлэгч ард түмнийг басамжил үнэ нэмэн төрийг бойкотлож эхэлсэн. Тэдний эсрэг Д.Амарбаясгалан сайд тууштай тэмцсэн. Олон удаагийн уулзалт хэлэлцээрт үнэ буулгах тухай яригдсан ч тэд үнээ буулгаагүй. Үнэхээр гурилын үнэ нэмэх шаардлага байсан уу гэвэл үгүй. Татварын ерөнхий газрын мэдээллээр гурил үйлдвэрлэгч нарын ашиг нь 2021 оныг 2023 онтой харьцуулахад 5 дахин өссөн байдаг. Энэ таван дахин өссөн ашиг бол үнэ нэмсэнтэй шууд холбоотой. Ингэж л даварсан компаниудад даруулга хэрэгтэй учраас Д.Амарбаясгалан тэдэнтэй тулж эхэлсэн.Тэмцлийн үр дүнд хуулиар гурилын импортлох квотыг чөлөөлж, гаалиар нэвтрүүлэхэд тулгардаг байсан нэмэлт хориг саадыг арилгасан. Одоо бид хямд гурил хэрэглэх боломжтой болж байгаа юм.
Хэд гуравхан ажлаас цухас дурдлаа. Эхлүүлсэн ажлаа дуусгаасай залууст хандлаа шүү. Ирээдүйгээ гэрэл гэгээтэй байлгах нь бидний сонголтоос шалтгаална.
Л.Эрдэнэжаргал
Сэтгэгдэл байхгүй байна.