Ирэх оны 8 дугаар сарын 17-28-ны өдрүүдэд Улаанбаатар хотноо болох Цөлжилттэй тэмцэх тухай НҮБ-ын конвенцын Талуудын 17 дугаар бага хурлын бэлтгэл ажлын хүрээнд яриа өрнөсөн бөгөөд сайд Б.Батбаатар санал, санаачилга, тэдгээрээр дамжуулан хэрэгжүүлэх боломжтой төсөл хөтөлбөрүүдийн агуулга болоод төлөвлөлтийн талаар тусгайлан танилцуулж, Азийн хөгжлийн банкыг хэрэгжилтэд хамтрахыг хүслээ.

Азийн хөгжлийн банкны төлөөлөл Монгол Улсыг маш чухалд тооцогддог НҮБ-ын Цөлжилттэй тэмцэх чуулганыг зохион байгуулах болсонд талархал илэрхийлээд Засгийн газраас танилцуулахаар бэлтгэж буй Бэлчээрийн тэргүүлэх санаачилга, Ус ба газрын менежмент болон Байгальд суурилсан шийдлүүдийг ашиглан тогтвортой дэд бүтцийг хөгжүүлэх гэсэн олон улсын гурван санаачилгын төслийг өндрөөр үнэллээ. Санаачилгуудын төслийг хэрэгжүүлэх боломжтой гарц, гаргалгаа болон одоогоор хоёр талын хэрэгжүүлж буй агуулга нэгтэй төслүүдээр дамжуулан бодит ажлуудыг Талуудын 17 дугаар бага хурлаас өмнө гүйцэтгэхүйц байх шийдлүүдийг ярилцлаа.

Цаашид Азийн хөгжлийн банк Улаанбаатар хот дахь төлөөлөгчийн газар болон төв байгууллагаасаа Талуудын 17 дугаар бага хурлын бэлтгэлд дэмжлэг үзүүлэн, Засгийн газартай нягт хамтран ажиллахаа илэрхийлсэнээр уулзалт өндөрлөв.