Хосууд амьдралаа холбож, хуримын ёслолоо үйлдэхэд багагүй мөнгө зарцуулдаг. Австраличууд гэхэд хуримандаа дунджаар 65 мянган ам.доллар зарцуулдаг гэсэн судалгаа бий. Гэтэл зарим нь зөвхөн хуриманд зориулсан цэцэгт нэг сая ам.долларыг зарцуулж, итгэмээргүй тансаг хурим хийсэн байх аж.

Өмнө нь хуримын зохион байгуулагчаар ажиллаж байгаад хожим уг сэдвээр "Wedded Wonderland”-д нийтлэл бичих болсон Винди Эль Хури хамгийн тансаг басхүү үрэлгэн хуримуудыг нэрлэжээ. Тэрээр Арабын тэргүүн баян, Холливуудын одод, Азийн бизнесийн магнатуудын хуриманд оролцож байсан бөгөөд алмазан шигтгээтэй жижиг гоёл чимэглэлүүд нь гэхэд хотын төвийн тансаг орон сууцтай дүйцэхүйц үнэтэй байдаг хэмээн ярьсан юм.

Сүүлийн үед чинээлэг эрхмүүд бусдаас илүү байхын тулд хуримын зохион байгуулагчдад хачирхалтай шаардлага тавих болсон гэнэ. Зааны тугал, 30 килограммын жинтэй хуримын даашинз хүртэл захиалж байсан гэж Винди хэлжээ. Сүйт бүсгүй алдартай загвар зохион бүтээгчдийн хийсэн хоёр хурим даашинз өмсөх шаардлага тавих нь ердийн үзэгдэл болсон байна.

Нэгэн нигер сүйт бүсгүй "Elie Saab”-ийн хийсэн таваас доошгүй хуримын даашинзаар гангарах хүсэлтэй байгаагаа хэлж байсан аж. Түүнчлэн Вьетнамын язгууртан хуримандаа зориулсан цэцэгт нэг сая ам.доллар зарцуулж байсан гэнэ.

Б.Саруул