Хөдөлгөөн багатай байж, олон цагаар нэг газраа суух нь сэтгэцийн эмгэг тусах эрсдэлийг нэмэгдүүлдэг болохыг эрдэмтэд тогтоожээ. Тухайлбал хөдөлгөөн багатай хүмүүс түгших нь эрс ихэсдэг байна.

Мэргэжилтнүүд сайн дурын хүмүүсийг өдрийн хэдэн цагийг компьютерийн дэлгэц, зурагтын өмнө сууж, эсвэл гэрийн даалгавар, ажил хийж өнгөрөөдгийг ажиглаж, есөн бүлэг болгож ангилжээ.

Ингээд судалгааны үр дүнг хартал сууж өнгөрөөсөн цаг хүний түгшүүрийн түвшинд шууд нөлөөлж, хоёр цаг хөдөлгөөнгүй байхад л хүн эрс таагүй сэтгэл хөдлөл үзүүлж байв.

Хүн удаан суухаар бодисын солилцоо зэрэг бие махбодын зарим үүрэг нь алдагдаж, үүнээс болж сэтгэл санаанд нь өөрчлөлт гардаг байна. Хэрвээ энэ асуудал даамжирвал сэтгэцийн эмгэгтэй болох эрсдэлтэй аж.