БНАСАУ Ираны адил цөмийн хөтөлбөрөөсөө татгалзах асуудлаар олон улсын байгууллагуудтай хэлэлцээ хийхгүй хэмээн Хойд Солонгосоос БНХАУ-д суугаа Элчин сайд Жи Жэ Рён мэдэгдлээ.

Тэрбээр энэ сарын 28-нд Бээжин хот дахь Хойд Солонгосын ЭСЯ-нд хэвлэлийн хурлын үеэр ингэж хэлсэн байна.

Хойд Солонгосын цөмийн хөтөлбөрийн гол зорилго нь өнгөрсөн 50 жилийн хугацаанд бидний эсрэг явуулсан АНУ-ын дайсагнасан бодлогоос улс орныхоо тусгаар тогтнолыг хамгаалах болон цөмийн аюул заналхийллийг дарах гэж Элчин сайд мэдэгдсэн юм.

Хойд Солонгос цөмийн зэвсэгтэй улс гэдгээ 2005 онд зарласан бөгөөд 2006, 2009, 2013 онд цөмийн туршилт хийж байсан юм.

Харин НҮБ-ын Аюулгүйн зөвлөлийн тогтоолоор Пхеньяныг цөмийн туршилт хийхийг бүрэн хориглосон байдаг юм.

Эх сурвалж: NHK