Сагсан бөмбөгийн "Голден Стэйт Уорриорс” багийн тэргүүн тоглогч Стефен Карри өөрийн төрсөн дүү Сет Карригийн эсрэг Үндэсний сагсан бөмбөгийн холбооны албан ёсны тоглолтод тоглохыг үргэлж мөрөөддөг байсан гэдгээ өгүүлжээ. Саяхан Стефен Карригийн дүү "Сакраменто Кингс” багтай гэрээ байгуулсан билээ. 

"Манай гэр бүл нэгэн чатыг үүсгэсэн бөгөөд тэнд бид Сет бид хоёрын анхны тулааны талаар бодсон зүйлээ солилцдог. Бидний халз тулаан 11 дүгээр сарын 07-ны өдөр Сакраментод болох бололтой. Тэр тоглолтыг үзэхээр манай гэр бүлийн гишүүн 50-60 хүн ирэх төлөвтэй байна. Хөгжилтэй байх болно шүү. Мөрөөдөл маань биелэх өдөр иржээ” хэмээн Карри мэдэгдэв.