Исламын улс бүлэглэлийнхэн Хятад, Норвегийн хоёр иргэнийг худалдана хэмээн өөрсдийн онлайн сэтгүүл "Dabiq”-аар зарлалаа. Олзны хүмүүстээ өмсгөдөг шар хувцсыг Исламын улсынхан хоёр хохирогчдод өмсгөөд "Норвеги хоригдлыг худалдана”, "Хятад хоригдол худалдана” гэсэн бичиг бариулсан зураг интернэтээр тараад байгаа юм. Исламын улсынхан олзны хоёр хүний төлөө тус утсынх нь улсаас барьцааны мөнгө нэхэмжилсэн ч зар дээрээ тэдний төлөө хэн ч мөнгө төлж болно хэмээн бичээд холбоо барих утсаа ч үлдээжээ. Холбоо барих утас нь Иракийнх бөгөөд хоригдлуудыг "худалдан авах” санал хугацаатай гэдгийг сануулжээ.

Норвегийн Ерөнхий сайд Эрна Солберг улсынх нь иргэн Исламын улсад барьцаалагдаж, гэмт хэрэгтнүүд хэд хэдэн удаа мөнгө нэхсэнийг баталсан байна. Гэхдээ Норвегийн Засгийн газар террористуудад мөнгө төлөхгүй гэдгээ тодорхой мэдэгджээ. Тус улсын иргэн 40 орчим насны эрэгтэй өнгөрсөн нэгдүгээр сард Сирид явж байгаад лалын хэт даврагсдын гарт орсон юм байна. Харин Исламын улсад барьцаалагдсан хятад хоригдлын тухайд тодорхой мэдээлэл алга байна.

Эх сурвалж: СNN
Б.Сэвжидмаа