Киргизстан улсын дөрвөн иргэнийг лалын хэт даврагч байгууллагын суртал ухуулгыг тараасан хэмээн үзэж Монгол улсаас албадан гаргасан хэмээн албаны эх сурвалж мэдээллээ. Тэдгээр хүмүүс манай улсад жуулчны визээр орж ирсэн бөгөөд эхэндээ Баян-Өлгий аймагт сууж байгаад Улаанбаатарт ирсэн байна. Улмаар нийслэл хотын захын дүүрэгт байх лалын сүмд "Таблиг Жамаат” хэмээх лалын шашны хөдөлгөөний үзэл санааг сурталчилж байсан нь хууль хяналтын байгууллагын анхаарлыг татжээ. 1926 онд Энэтхэгт буй болсон суннит урсгалын энэ байгууллага дэлхий даяар 80 сая дагалдагчтай бөгөөд ОХУ, Казахстан, Тажикистан, Киргизстан улсууд лалын хэт даврагч байгууллагын жагсаалтад оруулж нутаг дэвсгэртээ үйл ажиллагааг нь хориглосон юм.

Л.Бадрах