Испанийн ерөнхий сайд Мариано Рахой "Соре” радио станцын спортын шууд нэвтрүүлэгт орохдоо, хамт байсан хүүдээ гар хүрчээ. Өчигдөр явагдсан энэ нэвтрүүлэгт тэрбээр хөтлөгчтэй хамтаар Донецкийн "Шахтер”, Мадридын "Реал” багуудын хооронд болсон тоглолтыг тайлбарласан бөгөөд студид анх удаа хөлбөмбөг тайлбарлаж байгаа тул өөртөө туслуулахаар 10 настай хүү Хуанаа дагуулж ирсэн байна. Нэвтрүүлгийн дундуур хөтлөгч Хуан хүүгээс, Испанийн алдартай спортын тайлбарлагч Маноло Ламагийн дуу оруулсан FIFA EA хэмээх видео тоглоом хэр болсон тухай асуухад хүү "Арай дээр юм хийж болоогүй юм байх даа. Ёстой новшийн юм болсон байна лээ” хэмээн хариулсан байна. Студид байсан хүмүүс мөн эцэг нь үүнийг сонсоод инээлдсэн бөгөөд М.Рахой тэссэнгүй бололтой, хүүгийнхээ ар дагзан дундуур хоёр ч удаа аяархан цохиж авчээ.    

http://politica.elpais.com/politica/2015/11/26/actualidad/1448532250_311341.html?rel=cx_articulo#cxrecs_s (бичлэг)

Б.Амгалан

Эхсурвалж:Tonshuul.mn