Ирак улсын Мосул хотын ихэнхи хэсгийг эрхшээлдээ оруулаад байгаа "Лалын улс” бүлэг барууны хөгжим сонссон гэх үндэслэлээр 15 настай хүүг цаазаар авчээ.

Курд мэдээллийн "ARA NEWS”-н мэдээлснээр, Аяхам Хуссейн нэрт хүү эцгийнхээ ногооны дэлгүүрт барууны хөгжим CD тоглуулагчаар сонсч байсан байгаад "Лалын улс” бүлгийнхэнд баригдсан байна. Хүүг тэр даруй олны нүдэн дээр толгойг нь авч, мягмар гарагийн орой хэрд амьгүй болсон цогцсыг гэр бүлийнхэн нь олж авсан байна.

Террорист бүлгээс хоёр жилийн өмнө гаргаж байсан мэдэгдэлд, олон нийтийн газар, машинд, үдэшлэгт, дэлгүүрт дуу хөгжим сонсохыг хориглосон юм. Мөн энэ долоо хоногийн эхээр, Сирийн Раккад олзны хүнийг сэлмээр толгойг нь авсан бол өсвөр насны хоёр хүүг баасан гарагийн мөргөлөө мартсан гэж буудан хөнөөжээ.

И.ЦЭНГЭЭ