Насанд хүрээгүй хүүхдүүд ахуйн хэрэглээний газ үнэрлэж байгаад нэг нь амиа алдсан харамсалтай хэрэг хэдхэн хоногийн өмнө гарсан. Гэтэл дахиад л хүүхдүүд хий үнэрлэж байгаад баригдсан хэрэг гарчээ.

Уг хэрэг ЧД-ийн 6-р хороонд 50-р сургуулийн урд талын байрны орцонд гарчээ. Тус байрнааас "хүүхдүүд газ үнэрлээд байна” гэсэн мэдээллийг өчигдөр цагдаагийн байгууллагад өгчээ.

Дуудлагын дагуу цагдаагийн алба хаагчид очиж шалгахад, ЧД-ийн 12-р хороонд суух 13 настай эрэгтэй Г, 16 настай эрэгтэй А нар ахуйн хэрэглээний газ үнэрлэж мансуурч байжээ. Эл үйлдлийг таслан зогсоож ЧД-ийн цагдаагийн нэгдүгээр хэлтэс шалгаж байна.

Д.Сүрэн