Н.Мөнхболд: Хүний эрх зөрчиж буй Засгийн газар хариуцлага хүлээх ёстой
Сүхбаатарын талбайд өчигдөр эхэлсэн гутлын жагсаалын нэгэн дүр зураг. 2016.04.07
Улаанбаатар хотын төв талбайд өчигдөр эхэлсэн ард түмний эсэргүүцлийн жагсаалд оролцогсдоос бид санаа бодлыг нь сонссон юм. Тэдний нэг, энэ жагсаалд оролцож үзэл бодлоо хүчтэй илэрхийлсэн иргэн Н.Мөнхболдоос манай сурвалжлагч тодруулга авлаа. Н.Мөнхболд ярихдаа "Үндэслэлгүй хөрөнгөжиж, авлигаар амьдарч буй энэ дарга нар Монгол улсыг хохироож байна. Үг хэлж, үзэл бодлоо илэрхийлсэн залуусын амыг барьж байгаа Монгол Ардын нам засаглаж байгаа цагт Монголд ардчилал нэг мэдэхэд үгүй болох нь тодорхой. Хүний эрхийг ноцтой зөрчиж байгаа Засгийн газар хариуцлага хүлээж огцрох ёстой. Ардчилсан улсын гол зарчмыг алдагдуулж, хүний эрхийг зөрчиж байна. Битгий худал үгсээр иргэдийн тархийг угаагаад бай гэж тэдэнд хэлье. Залуус бидэнд ардчиллын зарчмыг үндэс сууриа болгосон эрүүл, цэвэр эх орон минь хэрэгтэй" гэсэн юм.
Г.БИЛГҮҮН
Зураг дээр: Иргэн Н.Мөнхболд манай сурвалжлагчид ярилцлага өгч буй нь. 2016.04.07
Сэтгэгдэл байхгүй байна.