Туркийн Станбул хотноо болж буй олимпийн эрх олгох чөлөөх бөхийн эрэгтэйчүүдийн 97 кг-ын жинд барилдаж буй Д.Хүдэрбулга хагас шигшээд Энэтхэгийн Маусам Хатриг 8:6-аар ялснаар олимпийн эрхээ авлаа.

Манай бөх эхний тойрогт хийлж, удаах тойрогт Косовогийн бөх Эдон Шалаг 12:4-өөр, Тажикстаны бөх Рустам Искандарийг 11-0-оор ялж, хагас шигшээд үлдээд байсан. Тэрээр олимпийн эрхийн төлөөх шийдвэрлэх барилдаанд Энэтхэгийн бөх Маусам Хатриг 8:6-аар ялсан юм. Барилдааны эхний үед манай бөх хөлд орж, улмаар ард нь гарснаар оноог 6:2 болгосон. Хоёрдугаар үеийн эхэнд Хатри хоёр удаа дутуу суун оноог 6:6 болгож тэнцүүлсэн ч манай бөх түүний зүүн хөлийг авч 8:6-аар яллаа. Манай бөх финалд Румыны Алберт Саритоватай барилдана.

Ийнхүү Монгол Улсын чөлөөт бөхийн эрэгтэй шигшээ багийн тамирчид Бразилд бүтэн багаараа барилдахаар болж байна.

"Рио-2016” олимпийн эрх олгох чөлөөт бөх, сонгомол барилдааны "Улаанбаатар-2016” олон улсын тэмцээн "Буянт-Ухаа” спорт цогцолборт дөрөвдүгээр сарын 22-24-ний өдрүүдэд болсон. Энэхүү тэмцээнд дэлхийн 80 орны 650 гаруй тамирчид олимпийн 48 эрхийн төлөө өрсөлдсөн юм.

"Улаанбаатар-2016” тэмцээнд Д.Хүдэрбулга Германы Г.Кудиновочийг 3:1, Унгарын А.Смикийг 2:0, Грекийн бөхийг оноогоор цэвэр хожсон ч хагас шигшээд Узбекстаны М.Ибрагимовичод 9:2-оор ялагдсан юм. Улмаар хүрэл медалийн төлөөх барилдаанд БНСУ-ын Ким Жае Гангийг хожсон ч олимпийн эрхийн төлөөх барилдаанд Молдавын бөхөд дийлдсэн. Гэвч манай бөх сүүлийн эрхийн төлөө Туркийг зорьж, олимпийн эрхийг эх орондоо авчирлаа.

Манай бөхчүүдээс