"Эбола” вирусийн тархалтад хамгийн их өртсөн Баруун Африкийн орнуудын нэг болох Либери улс  вирусийн гаралтай уг өвчний тархалтыг бүрэн зогсоож чадлаа гэж Дэлхийн Эрүүл мэндийн байгууллага /ДЭМБ/ пүрэв гарагт мэдэгдлээ.

 

2015 оны 5 дугаар сард Либери анх "эбола”-гаас ангижирсныг ДЭМБ зарласан боловч түүнээс хойш гурван ч удаа уг вирус дахин дэгдсэн юм.

ДЭМБ-ын Либери дэх төлөөлөгч Алекс Гасасира хэлэхдээ "үр дүнтэй арга хэмжээ авснаар "эбола” вирусийн дахин дэгдэлтийг зогсоож чадсан Либерийн засгийн газар болон ард түмний хүчин чармайлтыг ДЭМБ сайшааж байна. Вирус дахин дэгдэхээс урьдчилан сэргийлэх, сэжиг бүхий тохиолдлуудыг илрүүлж, шуурхай арга хэмжээ авахад нь ДЭМБ-ын зүгээс Либерид цаашид дэмжлэг үзүүлсээр байх болно” гэжээ.

Хамгий сүүчлийн өвчтөний "Эбола”-гийн шинжилгээний хариу сөрөг гарснаас хойш 42 хоног ийн хугацаанд вирус дахин илрээгүй бол тухайн улсын уг вирусийн тархалтыг дарж чадсан гэж үздэг аж.