Женнифер Анистон жирэмслээгүй
Жүжигчин Женнифер Анистоныг жирэмсэн болсон талаар "Hollywoodlife.com” сайт мэдээлсэн талаар бид өмнө нь хүргэсэн. Тэгвэл уг мэдээлэлтэй холбоотойгоор жүжигчин бүсгүй өөрөө тайлбар хийсэн байна.
Уг сайтад түүний гэдэс урагш түлхийсэн байдалтай далайн эрэг дэх зургийг нийтэлж, эртнээс үргүй гэгддэг жүжигчин бүсгүй мэс заслын тусламжтайгаар жирэмсэлсэн байж магадгүй талаар дамжуулсан байсан юм. Гэвч жүжигчин бүсгүй тайлбар хийж, жирэмслээгүй гэдгээ мэдэгдсэн байна.
Тухайн үед бүсгүй зүгээр л үдийн хоолоо хэт их идчихсэн байсан гэж тайлбарлажээ. Жүжигчин бүсгүйг жирэмсэн болсон талаарх мэдээлэл өмнө нь хэд хэдэн удаа цацагдаж байсан ч, тухай бүрт няцаалт хийж байсан юм. Харамсалтай нь, удаан хугацааны турш хүүхэдтэй болж чадаагүй жүжигчин бүсгүй энэ удаа ч жирэмслээгүй ажээ.
Мэс заслын аргаар хүүхэдтэй болох боломж бий ч, Женнифер хүүхэдтэй болоход хэтэрхий муу нөхцөл байдалтай байгаагаа учирласан байна. Учир нь саяхан жүжигчин бүсгүйн ээж нас барсан бөгөөд үүний дараа нөхрөөсөө салах дээрээ тулаад байсан юм. Женниферийн хувьд өмнө нь Брэд Питтэй гэрлэж байсан. Гэсэн ч хүүхэдтэй болж чадахгүй нь тэдний салалтын шалтгаан болсон гэдэг.
Сэтгэгдэл байхгүй байна.