Ерөнхий сайд комик баатар болов
Канадын Ерөнхий сайд Жастин Трудог комик номын баатар болгожээ. "Marvel's "Civil War II: Choosing Sides” гэх комик номны нүүрэнд Трудогийн комик зургийг нийтэлсэн байна. Боксын ринг дээр инээж буй Трудогийн зургийг нүүрэндээ залжээ. Тэрбээр өмнө нь боксоор хичээллэдэг байсан юм.
Уг комик ном ирэх наймдугаар сарын 31-ний өдөр худалдаанд гарна. Зохиогчид Ерөнхий сайдтай биечлэн уулзаж, зургийг нь номон дээр гаргах зөвшөөрөл авчээ. Трудо "Хүүхдүүдэд таалагдах хамгийн хэцүү. Тэдний хамгийн дуртай номонд би гарч байгаа учир тэд надад сайн болох байх” гэж хэлжээ.
Комик номны зургуудыг зураач Раман Перец зурсан байна. 70 орчим хуудастай уг номонд Трудо болон дуучин Жастин Бибер хоёрын тулааны тухай өгүүлэх цуврал зургыг мөн нийтэлжээ. Трудог сонгуульд нэр дэвших үед Бибер олон нийтийн сүлжээгээр түүнийг гутаан доромжилсон билээ.
Б.Дэлгэрцэцэг
Эх сурвалж: Shuud.mn
Сэтгэгдэл байхгүй байна.