Клуни гэр бүлээ хамгаалав
Алдартай байна гэдэг сайхан хэрэг. Хийсэн ажлынхаа төлөө чамгүй их мөнгө авчихна, янз бүрийн дээдсийн арга хэмжээнүүдэд оролцсоныхоо төлөө урамшуулал хүртчихнэ. Гэхдээ алдар хүндэд өөр нэгэн тал бий. Оддын хувьд аюул учрах нь их. Алдар хүндтэй хүмүүсийг хаа явсан газар нь мөрдөн мөшгиж байдаг солиотой хүмүүс цөөнгүй байдаг билээ. Тэд оддын үйл хөдлөл болгоныг ажиж, гэрт нь нэвтэрч, хувийн эд зүйлийг нь хулгайлдаг. Зарим нь шүтээнээ зүйл дуусгана гэж сүрдүүлэх ч энүүхэнд.
Ийм нэгэн гажиг шүтэн бишрэгчтэй Клунигийн гэр бүл тулгарсан байна. Жорж, Амаль хоёр нэгэн үл таних этгээдээс заналхийлэл бүхий захидлуудыг олноор нь авч эхэлжээ. Тэр этгээд 189 хуудас бүхий захидалдаа тэднийг алж хядна хэмээн бичсэн байв. Элдэв бусын юм болохоос урьтаж тэдний гэр бүл хамгаалалт эрэн шүүхэд ханджээ. Ингээд шүүх тэдэнд заналхийлсэн хүнээс алдартнуудыг таван жилийн хугацаанд хамгаалахаар болов.
Тэдэнд заналхийлж байсан хүн бол 55 настай Марк Бибби гэгч аж. Энэ хүн сэтгэл мэдрэлийн өвчтэй гэдэг нь тогтоогджээ.
Сэтгэгдэл байхгүй байна.