"Месси шигшээгээс зодог тайлсан нь " Барселона"-гийн хувьд муугүй мэдээ"
Каталоны "Барселона”-гийн ахлах дасгалжуулагч Луис Энрике багийнхаа довтлогч Лионель Мессиг Аргентины шигшээд дахин тоглохгүй гэж мэдэгдсэн явдлыг муугүй мэдээ гэж дүгнэсэн байна.
"Хэрвээ "Барселона”-гийн дасгалжуулагчийн үүднээс Мессигийн шигшээгээсээ зодог тайлсан явдлыг дүгнэж харвал муугүй мэдээ. Ингэхээр Месси цөөн тоглож, цөөн нисч, их амарна гэсэн үг. Гэхдээ би үүнийг маш сайхан явдал гэхгүй. Гэхдээ л түүний амрах цаг нэмэгдэх нь.
Шувтаргын тоглолтод хожигдсоныхоо дараа Месси энэ шийдвэрийнхээ тухай мэдэгдсэн. Тиймээс шигшээдээ дахиж тоглох эсэхийг нь магадлах хэрэгтэй. Хөлбөмбөгийн хөгжөөн дэмжигчийн хувиар бол би түүнийг Аргентины шигшээдээ дахиж тоглохыг хармаар л байна. Харин "Барселона”-гийн дасгалжуулагчийн үүднээс бол өөр. Цаашид юу болохыг харж л байя” гэж Луис Энрике өгүүлжээ.
Сэтгэгдэл байхгүй байна.