Улсын начин Д.Анарт зориулж наадам хийнэ
Үндэсний их баяр наадмаар Улсын начин 18 төрөн гарсан.Тэдний нэг нь Дорнод аймгийн харьяат Улсын начин Д.Анар юм. Түүний улсын цолыг мялаан, нутгийнхан нь хүндэтгэлийн наадам хийхээр болжээ. Тус хүндэтгэл үзүүлэх наадам нь Дорнод аймгийн Төв цэнгэлдэх хүрээлэнд энэ сарын 31-нд болно.
Наадмын үеэр Баянтүмэн суманд соёолон насны морины уралдаан, сурын талбайд халх сурын харваа, Төв цэнгэлдэх хүрээлэнд хүчит 64 бөхийн барилдаан, Онцгой байдлын газрын алба хаагчдын урлагийн тоглолтыг зохион байгуулах аж.
Улсын начин Д.Анар нь Дорнод аймгийн Онцгой байдлын газрын Хэрлэн сум дахь Гал унтраах аврах 53 дугаар ангийн албан хаагч.Түүнийг саяхан Онцгой байдлын ахлах дэслэгч цолоор шагнажээ.
Сэтгэгдэл байхгүй байна.