Өнөөдөр наймдугаар сарын 9

Монгол улсын гавьяат тамирчин Доржсүрэнгийн Сумъяа Риогийн олимпоос мөнгөн медаль хүртэж Монгол түмнээ баярлуулав. Түүнийг Японы алдарт бөх Каори Мацуматотой барилдахаас өмнө цахим сошиал ертөнцийнхөн туйлын идэвхитэй байсан ба "Хэрэв Мацумото чоно юм бол манай Сумъяа Чонын анчин Рааш" гэх мэтээр нэг хэсэг хөгжилдөв.

"Энэ олимпоос болоод зүрхний өвчтэй, чангарсан өгзөгтэй, зуурсан эрүүтэй болох нь ээ"

"Яг үнэндээ би бөх үзээгүй ээ. Эхлүүлчихээд жаахан харж байгаад, зүрх дэлсээд харж чадахаа байгаад өөр юм хийгээд эхэлдэг. Та нар тэгж байна уу"

"Далайн чоныг Монгол их талын хөх чоно ганц хазаад л сэгсрээд хаячихлаа даа."

"Шижирээд гавьяат тамирчин өгье"

Манайхан шиг тамирчдынхаа төлөө "шатаж" байгаа фэйсбүүкчинтэй улс дэлхийд алга, нээрээ шүү.

гэх мэтээр уйдах завгүй байцгаав.

Доржсүрэнгийн Сумъяа ч бөхдөө хайртай ард түмнээ баясгаж Каори Мацуматог 22 секундэд ганцхан сууж үүрээд үзэгч түмнийг баясгав.