Танилц: Дэлхийн хамгийн нөлөө бүхий хосууд
Дэлхийд хамгийн нөлөө бүхий хэмээн тодорхойлогдсон 10 хос. Тэд улс төр, бизнес, соёл урлагийн алдартнууд байгаа юм.
1. Барак Обама, Мишель Обама. Америкчуудын 67 хувь тэргүүн хатагтайг ажиглаж байдаг гэсэн судалгаа бий.
2. Билл Гейтс, Мелинда Гейтс. АНУ-ын хамгийн баян эрэгтэй Билл Гейтс эхнэртэйгээ хамтарн сан байгуулсан нь түүний гэргийг олны танил хүн болгожээ.
3. Жэй Зи, Бэйонси. Хөгжмийн алдартнуудын анхны гэр бүл Ерөнхийлөгчийн сонгуульд Барак Обамагийн сурталчилгаанд ихээхэн хувь нэмэр оруулсан.
4. Ши Жинпин, Пэн Лиюань. Пэн Лиюань бол БНХАУ-ын шинэ
Ерөнхийлөгчийн хоёр дахь эхнэр бөгөөд ардын дуугаараа эх орондоо
алдаршжээ. Түүнийг нөхрөөсөө илүү нэр хүндтэй гэсэн хошигнол бий.
5. Брэд Питт, Анжелина Жоли. Тэднийг өнгөрсөн жил сүй
тавьснаас хойш олон ч хүн хуримаа хийхийг хүлээж байна. Энэ сард
үзэсгэлэнт Анжелина Жоли хорт хавдраас сэргийлж хоёр хөхөө тайруулсныг
нөхөр нь баатарлаг үйлс байсан хэмээн алдаршуулжээ.
6. Портия де Росси, Эллен ДеЖенерес. Ток шоуны алдартан болон шилдэг жүжигчин хоёр 2008 онд гэрлэсэн юм. Тэд одоо хүртэл ижил хүйстнүүдийн эрхийг хамгаалсаар.
7. Марисса Мэйр, Закари Бога. "Yahoo" компанийн
гүйцэтгэх захирал Марисса Мэйр болон "Data Collective" сангийн үүсгэн
байгуулагч Закари Бога нар 2009 онд гэрлэсэн. Силикон Валлейн хамгийн
хүчирхэг хос өнгөрсөн есдүгээр сард хүүтэй болсон юм.
8. Хилари ба Билл Клинтон. АНУ-ын Ерөнхийлөгч асан Билл
Клинтон болон АНУ-ын Төрийн нарийн бичгийн дарга асан Хилари Клинтон
нар хоёулаа ажлаа өгсөн ч одоо хүртэл нөлөө бүхий хэвээрээ л байна.
9. Жерард Пике, Шакира. Колумбийн алдарт дуучин болон
хөл бөмбөгийн од нар өнгөрсөн нэгдүгээр сард анхны хүүхдээ өлгийдөн
авсан. Юнисеф-ийн элч дуучин Шакира хөгжмийн салбарт, харин Жерард хөл
бөмбөгийн салбарт яах аргагүй од билээ.
10. Патрицио Бертелли, Миссия Прада. 64 настай загварын
хатан хаамн Миссия 67 настай нөхрийнхөө хамт алдарт "Прада" компаниа
өргөжүүлсээр байна. Прада-ийн гүйцэтгэх захирал нөхөр болон загвар
зохион бүтээгч эхнэр хоёр 19 тэрбум ам.долларын дундын хөрөнгөтэй.
Сэтгэгдэл байхгүй байна.