Хөвсгөл далайд аялж байсан таван иргэн завьтайгаа осолдсон хэрэг энэ сарын 30-нд гарсан.

 

 

Тодруулбал, Хатгал тосгоны Жанхайн даваа гэх газар "Байкаль” жуулчны баазын ойролцоо далайд завиар аялж байсан таван иргэн осолдсон бөгөөд тэдний гурав нь хүүхэд нэг том хүн /27 настай эрэгтэй/ усанд живж амиа алджээ.

 

Урьдчилсан байдлаар завь огцом хөмөрсөний улмаас осолдсон гэх мэдээлэл байгаа юм. Харин завиар аялуулж байсан хүн нь хүүхдүүдэд аврах хантааз өмсгөлгүй завин дээр суулгаад аваад явсан байсан гэх мэдээллийг онцгой байдлын газраас өгч байгаа юм. Дөрвөн иргэний цогцсыг эрэн хайж олсон бол нэг хүүхдийн цогцсыг олоогүй байсан бол өчигдөр цогцсыг нь олжээ. Талийгаач хүүхдүүдийн хувьд 6-14 настай аж. Хэргийг Хөвсгөл аймгийн Цагдаагийн газарт шалгаж байгаа юм байна.