ОХУ-ын Зэвсэгт хүчний инженерийн цэргийн анги салбарууд Приморийн хязгаарт тусгай техникүүд болон үерийн гамшигт нэрвэгдсэн хүмүүс тусламж хүргэхийн тулд зам, гүүр, далангийн ашиглалтын нөхцөл байдлыг судалж байна.

 

Түүнчлэн зарим суурингуудад эрчим хүчний хангамжийг сэргээх ажил үргэлжилж, түүнд Номхон далайн флотын ангиуд оролцож байгаа ажээ.

Гамшигт нэрвэгдсэн районуудад тусламж үзүүлэхийн тулд 3500 цэргийн албан хаагч, 400 нэгж цэргийн техник, 12 нисэх онгоц болон 6 нисдэг тэрэг бүхий хүчийг төвлөрүүлээд байна гэж ОХУ-ын Батлан хамгаалах яам мэдэгдлээ.

Сануулан дурдахад, 8 дугаар сарын 29-31-ний өдрүүдэд Приморийн хязгаарын нутгаар "Лайэнрок” хар салхи дайран өнгөрсний дараа гурван сарын нийлбэр тунадасны  хэмжээтэй тэнцэх аадар бороо оржээ. Үерийн улмаас холбооны улсын хэмжээний онцгой байдал зарласан байна.

Приморийн бүс нутгийн 13 засаг захиргааны нэгжид 3678 байшин усанд автжээ. Орон гэр нь үерт автсан хүмүүст зориулан түр орогнох 39 байр барьсан байна.  Өнөөдрийн байдлаар, 17 суурин газарт цахилгаан эрчим хүч тасраад байна.