“Барселона” болон “Манчестер Юнайтед”-ын скаутууд Андре Силваг шинжиж эхэлжээ
Португалын "Порто” клубын довтлогч Андре Силва Европын томоохон багуудын анхаарлыг татаж эхлээд байгаа юм. El Mundo Deportivo-гийн мэдээлж байгаагаар "Порто” Аваргуудын лигт Бельгийн "Брюгге” клубыг 1:0-ээр хожсон тоглолтыг Европын 28 багийн скаут үзсэн юм байна. Энэ тоглолтын цорын ганц гоолыг Андре Силва оруулсан.
Тэр дунд "Барселона”, "Атлетико Мадрид”, "Манчестер Юнайтед”, "Челси”, "Ювентус”, "Интер” болон "Боруссия Дортмунд” зэрэг том багуудын скаут байсан аж. Одоогоор Андре Силва Португалын лигт 9 тоглолтод оролцож, 7 гоол оруулж, нэг гоолын дамжуулалт өгчихөөд байна.
Эх сурвалж: Mminfo.mn
Сэтгэгдэл байхгүй байна.