"Карибын тэнгисийн дээрэмчид" киноны од Кира Найтли, өөрийнх нь царайг үзэн яддаг асар их хүмүүс байдаг талаар ярьсан байна. Өдгөө 31 настай жүжигчин бүсгүй 18 сартай охин Эди болон нөхөр Жэймс Райтоныхаа хамт Лондон хотноо амар жимэр амьдран суугаа. "Өчигдөрхөн би аятайхан гэр бүлийн хостой таарсан. Тэднийг миний тоглосон киноны дүрүүдэд хайртай гэж хэлэхэд хичнээн их баярласан гээч. Тэгж магтах хүн бараг таардаггүй юм. Харин ч миний царайг үзэн яддагаа хэлж, жүжиглэх чадварыг нь үхтэл нь доош хийх дуртай хүмүүс их байдаг. "Бурхан минь, би таныг үргэлж үзэн яддаг байлаа" гэх юм уу, "Таны царай аягүй уйтгартай. Дургүй хүрмээр шүү" гэж шууд палхийтэл хэлдэг. Тэгэхээр би "Намайг уучлаарай" гэж хэлмээр санагддаг юм" хэмээн хөөрхий Найтли өгүүлжээ.

 

Эх сурвалж www.wikimon.mn