Төр нийгмийн зүтгэлтэн С.Зоригийг хөнөөсөн гэмт хэрэгтнүүдэд хоёр шатны шүүхээс ял оноосон.

Тодруулбал, Т.Чимэгээ, Ц.Амгаланбаатар, О.Содномдаржаа нарт 24-25 жилийн хорих ял оноосон юм. Тэгвэл уг хэрэгт улсын яллагчаар оролцсон прокурор Б.Батжаргал нэгэн ноцтой ярицлага өгчээ. Тэрбээр гэмт хэрэгтнүүд С.Зориг агсны эхнэр Б.Булганыг таньдаг төдийгүй гэрт нь хоол хийлгүүлж идэн, хамт тамхилсан тухай ярьжээ.

Прокурор Б.Батжаргал "Ц.Амгаланбаатарын мэдүүлэгт "Хэрэг гардаг өдөр, аллага үйлдэхээс өмнө бид 4 С.Зоригийн гэрт очсон. Тэгэхэд хоол хийсэн байдалтай байсан. Тэр хоолноос бид 4 идсэн. Одоо санаж байгаагаар мах чанасан байсан. Тэгээд Т.Чимэгээ, Б.Содномдаржаа бид 3 Б.Булгантай тамхилсан. Бид нар тамхиныхаа үнсийг будаатай аяганд хийсэн" гэж мэдүүлсэн.

Хэргийн газраас олдсон баримтууд дунд тамхины үнстэй будаатай аяга олдсон" гэж ярьжээ. Одоо захиалагчийг олохоор ажлын хэсэг гарсан бөгөөд энэхүү мөрдөн байцаалтын явцад Б.Булганыг гэрч, сэжигтэн, холбоотон аль нэгээр нь дуудах аж.

Б.Анир