Барселонагийн ерөнхийлөгч Жозе Мариа Бартомю багийнхаа топ тоглогчид болон тоглолтын арга барилын талаар хэдэн үг хэлсэн байна. Тэрбээр "Бид одоо хөлбөмбөгийн түүхэн дэх хамгийн шилдэг довтолгооны гурвалыг бий болголоо. Тэд рекордуудыг эвдэж байна. Энэ бол тэд бидэнтэй цуг байгаагийн давуу тал. Бидэнд ирээдүйн амжилтын мөрөөдлийг бодит болгох залуу баг байна. Энэ бол шидэт мөч гэдгийг би хэлэх ёстой” гэсэн юм. 

Энэ дундаас Аргентин довтлогч Лионель Мессиг онцлон "Лио бол Ла лигийн топ мэргэн бууч. Түүний хийсэн зүйл үнэхээр "галзуу". Түүний хязгаарыг хэн ч мэдэхгүй, тэр өөрөө ч мэдэхгүй байгаа. Тэр ирээдүйд ямар аугаа болж чадахаа өөрөө ч мэдэхгүй" хэмээн ярьжээ.