Засгийн газраас ипотекийн орон сууцны зээлийн урьдчилгаа төлбөрийг 10 хувь болгож, үлдсэн 20 хувьд баталгаа гаргахаар болоод байгаа.Засгийн газар 10 хувийн урьдчилгаатай зээлийн журмыг баталчихсан.Харин одоо таван яамны хамтарсан гэрээ байгуулагдсанаар хэрэгжиж эхлэх юм байна. Энэхүү гэрээ нь өнгөрсөн тав дахь өдөр байгуулагдах байсан ч зохицуулах асуудал гарч ирсэнээс болж тодорхойгүй хугацаагаар хойшилоод байна. Гэсэн ч энэхүү гэрээ нь өнөө маргаашгүй байгуулагдана хэмээн Барилга, хот байгуулалтын сайд Д.Цогтбаатар хэллээ. Үүний дараагаар Хөгжлийн банк, Монгол банк хооронд гэрээ хийсэнээр хэрэгжиж эхлэх аж. Өмнө нь урьдчилгаа төлбөр 30 хувиа төлөөд байр авсан иргэд 10 хувийн зээл рүү шилжих боломжгүй болж байгаа аж. 
Иргэд байр авахдаа метр квадратын үнэ нь 2.1 саяас дээш үнэтэй байр авсан тохиолдолд илүү гарсан мөнгөө өөсрдөө төлөх юм байна. Тодруулбал, метр квадратын үнэ нь 2.4 саяар байр авсан бол 300 мянган төгрөг иргэд төлөх юм байна. 
 

10 хувийн урьдчилгаа хязгаартай олгогдоно

Ерөнхий сайд энэ журмыг ирэх сард багтаан боловсруулах үүрэг өгсөн байна. Иймд Барилга, хот байгуулалтын яам, Хүн амын хөгжил, нийгмийн хамгааллын яам, Сангийн яамны ажлын хэсэг ипотекийн зээл олгох шинэ журам боловсруулж байгаа юм байна. Иймд ирэх сарын сүүлээр хуримтлалгүй ч тогтмол орлоготой, нийгмийн даатгал тогтмол төлдөг иргэд 10 хувийн урьдчилгаа төлөөд орон сууцтай болох боломж бүрдэж байна. Урьдчилгаа 10 хувиа төлөөд орон сууцтай болох иргэдийн тоо хязгаартай. Учир нь Засгийн газраас эхний ээлжинд 200 тэрбум төгрөгийн зээлийн батлан даалт олгох эрхийг Хөгжлийн банкинд олгосон юм. Иймд зээлийн нийт баталгаа 200 тэрбум төгрөгт хүрсэн тохиолдолд 10 хувийн урьдчилгаа авах арилжааны банкуудын зээл зогсох юм байна. Мөн Журамд зааснаар ипотекийн зээлд хамрагдах иргэн 18 нас хүрсэн, Монгол Улсын иргэн байна. Нийгмийн даатгалын шимтгэлээ сүүлийн хоёр жил дараалан төлсөн, ипотекийн зээлд анх удаа хамрагдах иргэн байх ёстой аж. Ингэхдээ банкны шалгуур нөхцлийг хангасан байх шаардлага мөн тавигдаж байгаа юм. Энэхүү зээлд хамрагдах иргэд "Өрхийн мэдээлэлийн сан”-ийн 7-16 дугаар бүлгийн иргэн байх ёстой. Хүн амын хөгжил, нийгмийн хамгаалалын яам хүн амын нарийвчилсан судалгаа хийж иргэдийг 20 ангилалаар хуваагаад байгаа юм. Эдгээрийн 7-15-р бүлгийн иргэд хамрагдах боломжтой. Ингээд амьжиргааны бүлгүүдийг ерөнхий байдлаар тоймлон хүргэвэл,

• 0-4 дүгээр бүлгийн иргэд-Ядуу болон нэн ядуу иргэд 
• 5-10 дүгээр бүлгийн иргэд-Дундаас доогуур орлоготой иргэд
• 11-15 дугаар бүлгийнхэн-Дундаж орлоготой иргэд
• 16 ба түүнээс дээш-Өндөр орлоготой иргэд

Уг ангилалд дундаж давхаргынхан орох аж. Харин 16 дугаар бүлгээс дээгүүр жагсаалтад багтах өндөр орлоготой иргэд, 0-4 дүгээр бүлгийн ядуу болон нэн ядуу хэсгүүдэд энэ төрлийн зээлэнд хамрагдах эрх үүсэхгүй аж. Хэддүгээр ангилалд багтаж байгаагаа тус яамнаас тодруулах боломжтой юм байна. Иргэдийн төлөх урьдчилгаа буурснаар орон сууцны үнэ өсөхгүй гэдгийг яам нь хэлж байна. Тэд журамдаа үнэ өсөхгүй байх боломжуудыг давхар тооцож байгаа аж. Тухайн орон сууцны ам.метрийн үнэ тэдэн төгрөг байна гэдгийг нарийн тусгана. Ингэснээр хиймэл үнийн хөөсрөл бий болгохгүй гэдгийг яамны зүгээс хэлж бай