Төрөө гэртээ бөөн бичиг цаас чирч иржээ. Тэрбээр даргадаа улирал тутам гаргаж өгдөг тайлан мэдээ тооцоогоо гаргаж өгөөгүй байсан болохоор өнөөдөр гэртээ суун дуусгахаар хэрэгтэй материалуудаа авч ирсэн нь энэ ажээ. Эхнэр нь нөхрийнхөө хоол цайг дөхүүлэн өмнөх ширээн дээр нь тавьж өгөөд өөртөө цай аягалан хажууд нь суун элдвийг асууж намуухан ярилцана.

Түүний эхнэрийг Уянга гэдэг. Өөртэй нь адилхан нягтлан бодогч мэргэжилтэй ч бие давхар, төрөх дөхөөд ажлаасаа түр чөлөөлөгдөн ирээдүйн бяцхан Төрөөг хүлээх зуур эр нөхрөө халамжлан хоолыг нь бэлдэн гэртээ суух болоод байгаа.

Төрөө дотооддоо боловсрол эзэмшсэн агаад одоо нэгэн хувийн томоохон компанид тооцооны ня-бо хийдэг жирийн л сэхээтэн залуу. Тэд амьдрал хэмээгч асар том далайд өөрийн гэсэн хөлөг онгоцоо тавиад удаагүй учир хайраар бялхаж бүх зүйл тайван амгалан аж.

Хооллож дуусчихаад эхнэртээ туслан аяга тавгаа өөрөө угаан тосгуурт байсан хоолны савыг цэвэрлэн гараа арчиж, нүд салгахгүй харж зогсох хонгорхон эхнэрийнхээ уруул дээр зөөлөн үнсэв. Гэтэл залуу биеийн сэрэл хоромхон зуур асаж түүнийгээ хязгааргүй хүсэн тачаадахад өмдөн доторх эрхтэн нь цочин сэрээд хатууран чангарч юу ч хийхэд бэлэн гэдгээ мэдэгдлээ. Төрөө алхам ухарч хайртыгаа инээмсэглэн байж сайтар ажиглахад эхнэрийнх нь нимгэн цайвар царай сэвхдэн ядарсан байдалтай харагдавч өөрийг нь харж байгаа харц аз жаргалаар дүүрэн гэрэлтэх аж.
Нүд гүйлгэн арай доошлуулан харвал мэдэгдэм бүдүүрч гэдэс нь улам томроод гэрийн нимгэн хувцасны цаанаас эгдүүтэй бондойх нь өхөөрдмөөр. Гэлээ ч одоо түүнтэй хүслээ ханатал цэнгэж хорвоогийн жаргалыг эдлэх тухай бодолтгүй болжээ. Төрөө хөнгөн гуниг тээн эхнэрээ дахин нэг үнсчихээд том өрөөндөө орж компьютерийн ард ажлаа хийхээр тухлан суув.

Сурсан зангаараа мессэнжэрт холбогдон хэн хэн байгааг хурдхан харчихаад хуудсаа солин ажлаа эхэлжээ. Уянгаа энэ үед хэн нэгэнтэй утсаар ярьж байгаа бололтой байснаа нөхрийнхөө араас зөөлөн зөөлөн гишгэлэн орж ирээд:

-Маргааш дүү амарна гэнэ. Бид хоёр хамтдаа Дархан явж ээжийг эргэнгээ тэнд хэд хоночихоод ирдэг юм бил үү гээд Төрөөгийн нүүр өөд харахад урьд нь энэ тухай ярилцаж байсан болохоор эхнэрээ төрөхөөс өмнө төрсөн гэртээ очиж хэд хоног сайн амарч биеэ тэнхрүүлээд ирэхийг зөвлөн явахыг нь зөвшөөрөв.

Түүний ажил маш их байсан ч тэртэй тэргүй шөнөжин суух нь тодорхой тул яарсан ч үгүй. Уянгаа түүний хажууд хэсэг суун зурагт үзэж байснаа буйдан дээр унтчихжээ. Төрөө эхнэрээ аяархан үнсэн таалж сэрээгээд оронд нь оруулж хажууд нь тэсэлгүй хэсэг хэвтээд өдөржин дэлгэц ширтэн аргаж алжаасан нүдээ анин хэсэг амраан нозоорон хүндэрч байсан биеэ хүчлэн өндийлөө.

Том өрөөндөө буцаж ирэн салхивчаа нээгээд нэг тамхи сугалан авч амандаа зуугаад зөөлөн сандлын түшлэгээс татан дахин ажлаа барив. Тэгтэл дэлгэцэн дээр нь жижигхэн цонх бий болж:

-Сайн уу? Шөнийн мэнд гэх цовоо үгс дурайн гарч ирэв. Харвал хааяа мессэнжэрт тааралддаг ч гэгээн дүрийг нь хэзээ ч харж байгаагүй эмэгтэйгээс бичсэн байлаа. Төрөө үнсээ шилэн саванд унаган нойроо хоромхон зуур таягдан хаяад:

-Сайн уу? Сонин юу байна даа гэж хариуг нь хурдхан бичээд нойроо сайн сэргээчих санаатай дэмий балай баахан юм асууж байснаа эр эмийн тухай сэдэв рүү яваад орчихжээ. Төрөөг:

-Чиний сексийн амьдрал хэвийн байдаг уу? гэхэд хүүхэн гайхаж байгаа бололтой

-Тийм ээ, яасан гэв.

-Зүгээр, чи надад аятайхан бүсгүй шиг санагдаад гэвэл

-Уулзаад үзвэл бүр ч аятайхан байж мэднэ шүү гээд бүсгүй аальгүйтжээ.

Энэ хүүхэнтэй ер нь уулзаад үзвэл яасан юм гэх адын бодол Төрөөгийн тархинд харван орж хүүхнийг өдөн янз бүрийн юм шалгаан ярилцаж байгаад болзохоор тохирч өөрсдийнхөө зургийг солилцон гар утасныхаа дугаарыг өгцгөөв. Ажлаа хийнгээ залуу үл таних бүсгүйн зургийг харж янз бүрээр төсөөлөн хачин тачаангүй төрхтэй болгон дүрсэлж, хий тавьж байж санаагаа амраалаа. Ингэсээр шөнө дунд өнгөрч ажлаа арай гэж үүрээр дуусгаад зөөврийн компьютертоо хуулж аваад эхнэрийнхээ хажуугаар сэмхэн хэвтжээ.

Өглөө нь Төрөө эртлэн босч нөгөө бичиг данснуудаа цүнхэндээ чихэж аваад эхнэрийнхээ бэлдсэн цайнаас хам хум ууж эхнэрээ шав хийтэл үнсчихээд ажил руугаа гүйлээ.

Замдаа Жаргал ингэсхийгээд ирэх байх. Уянгаа маань гэртээ очно гээд хүүхэд шиг хөөрөөд байх шиг байсан, очоод ирвэл амаржитлаа санаа амар байж байгаад төрнө биз гэж аж амьдралын тухай бодсоор ажил руугаа оров. Үдийн цайны цаг дөхжээ. Утас нь дуугарч авбал эхнэрийнх нь зөөлөн дуу сонсогдож явах гэж байгаагаа дуулгаад хоол цайгаа сайн идэж ууж байхыг сануулан ганц нэг юм захиж хэлээд утасныхаа цаана хий үнсэнгээ тасаллаа.

Хамаг ажлаа шөнөжин хийж дуусгаад засч янзлах юмаа амжуулан даргадаа тайлагначихсан болохоор түүнд хийгээд байхаар онц ажил байсангүй. Төрөө өчигдрийн нөгөө бүсгүйг гэнэт санан орой уулзахаар цаг товлон болзоонд урьсан мессэж явуулаад хариуг нь хүлээх зуур янз бүрийн сайтууд руу орон интернэтээр аялан өөрийгөө зугаацуулж суулаа. Хүүхнээс хариу иржээ. Яагаад ч юм бэ хүн мэдчих гээд байх шиг санагдан бусдыгаа сэмхэн нүд гүйлгэн харвал өөрийг нь огт тоосон шинжгүй урд урдахаа оролдож суухыг хараад сэтгэл амарч мессэжээ гарган уншив.

Бүсгүй ‘‘Яргуй″ кафены урд 18.00 цагт уулзъя гээд нимбэгийн өнгөт даашинзтай очихоо мэдэгджээ. Удсан ч үгүй эхнэрээс нь бас нэг мессэж ирж, явахаар машинд сууснаа бас хайртайгаа бичсэн байхыг уншаад санаа зовох зүйл үгүй болж шинэ танил тачаангуй хүүхэнтэй болзохоор ажил тарахыг хүлээн цаг харан суужээ.

Залуу болзсон газраа ирж хүүхнийг харуулдан ийш тийш харсан боловч ойр хавьд нь адилхан эмэгтэй огтхон ч харагдсангүй. 25 минут өнгөрсөн ч хүүхний утас руу залгахгүй тэвчээд л байв. Хүлээсээр байтал ирэх ёстой цагаас нь 40 гаруй минут өнгөрснийг мэдээд Төрөө үнэнээсээ болзоо бүтэлгүй боллоо гэж амандаа үглэж явах гэж байгаагаа мэдэгдэхээр утсаа нээн эргэтэл өмнө нь өөрийх нь хүлээж байсан эмэгтэй ичингүйрэн инээмсэглээд зогсож байх нь тэр. Бүсгүй өөрт нь хэлсэн ёсоор нимбэгийн өнгөт гоёмсог нимгэн даашинз өмсөөд түүн шигээ өнгөтэй өндөр өсгийтэй туфль углан гартаа дэгжин цүнх бариад утсаа дуугарвал ярихад бэлэн атгажээ.

Тэр Төрөөгийн бодсон шиг дур булаам секс хүүхэн биш байлаа. Дунд зэргийн нуруутай тарган ч биш туранхай ч биш гоолиг биетэй хаа очиж дажгүй царайлаг бүсгүй байна. Хүүхэн нэлээд биеэ барьж өөртөө итгэлгүй байгаа нь Төрөөд мэдрэгдэх аж.

Танилцаад ирэхэд Дэлгэр бүсгүй нэн хөгжилтэй аятайхан нийтэч хүүхэн байв. Тэд оройг хамтдаа тун зугаатай сайхан өнгөрөөн нэг мэдэхэд үдэш болсон байжээ. Ганц бие эмэгтэй хүний гэр үнэхээр тохилог цэвэр цэмцгэр тухтай байлаа. Бүсгүйн хийж өгсөн цайг уун түүнийг сониучирхан, удаан хугацаагаар эмэгтэй хүн хүсч, хатаж хагсарсан залуу биеийн сэрэл нь огцом хөдөлж нойрмог бор нь урган төлжих хаврын шинэ ногоо шиг өндийн түрж тачаангуй урин харцаар нүд салгалгүй суухад өөрийг нь нүдээрээ тайчих шахсан харцнаас нь эвгүйрхэхдээ босч цонх онгойлгохоор гараа сунгаж өлмийгөө өргөтөл өмссөн даашинз нь үл мэдэг огшиж хүүхнийг чийрэг тахим нь ил гараад, залуугийн хүслийн галыг бүр хөдөлгөж орхилоо. Төрөө байж ядахдаа хүүхэнд туслагч болон ойртон очиж биед нь хүрэхэд хамаг биеэр нь цахилгаан гүйдэл гүйх шиг жирсхийн Дэлгэрийн араас тэврэн авахад хүүхэн аажмаар эргэн өөдөөс нь харж Төрөөгийн тэмтэчсэн уруулыг нь шунагхан озоод үнсэн тааллаа.

Эмэгтэй хүнтэй янаглалгүй удсан Төрөөгийн хүсэл тачаал дээд цэгтээ хүрч, хамаг эд эрхтэн нь ажиллан чангарч өмднийх нь цаана байх залуу халуун эмнэг азарга нь сэргээд хүүхнийг хурдхан эзэмдэхээр яаран давшлахад Төрөөгийн толгой эргэж орчлонгийн хүрднээс холдон нисч, салгалсан гараараа хаа тааралдсан газрыг нь илэн тэмтэрч байж ядахдаа даашинзных нь хормойг сөхөн тонтгор өгзгийг нь илбэн өөрт нь наалдан нялхамсаж буй хүүхнийг улам чангаар биедээ наан чанга тэвэрчээ.

Тэд тэврэлдсэн хэвээр ор руу ойртон очоод Дэлгэр гараа явуулан орныхоо бүтээлгийг хуу татан шал руу хаялаа. Төрөө ч тэсэхээ болин хүүхнийг орон дээр нь даран унаж нүүр нүд уруул… гээд тааралдсан газраа шунаглан үнсэж гантиг цагаан хөхийг нь тэмтчин базлахад Дэлгэр байж ядан янаг хонгор дуугаар амьсгаадан гиншлээ.

Залуу өөрийнх нь доор байж ядах бүсгүйн булбарай биеийг таалангаа өөрийнхөө өмдийг давхраар нь шувт татан тайлж хаяад хүүхний норж чийгтээд хүлээж ядах хүслийн ангал руу догшин эмнэг азаргаа жолоог нь сул тавин хүчтэй гэгч нь явуулж орхив.

Төрөө бие сэтгэлийнхээ цангааг тайлагдтал хүүхний орыг шөнөжин булгиулан өглөөний нарыг анх удаа эхнэрээсээ өөр хүний өвөрт угтжээ.

Тэр өдрөөс хойш залуу биеийг хорьж цагдах шаардлагагүй болж ажлаа тарангуут Дэлгэртэй уулзан нэгийгээ алс холоос удаан хүлээсэн янаг хосууд шиг бие биедээ тэмүүлэн, хүний орчлонгийн хамгийн сайхан жаргал өгөх тал хээрийн зэрлэг сарнай шиг Дэлгэрээс бас холдох дургүй. Эхнэрээ мэдчих вий гэж заримдаа өөрийгөө буруутган зэмлэвч хүүхний галзуу тачаангуй аалийг санангуут түүний янаглалыг хүсэн ямар нэг аргаар уулзах шалтаг хайсаар учирч чаддаг байлаа. Цаг хугацаа явдгаараа явсаар нэг мэдэхэд Төрөө эмнэлгийн үүдэнд хорвоод мэндлэх бяцхан хүнийг хүлээн догдлон зогсох баярт мөчид тулан ирэв.

Тэд эрүүл чийрэг бадриун том хүүтэй болжээ. Эхний сар гэр рүүгээ, хүү рүүгээ яаран эхнэртээ туслан сайн нөхрийн бодит жишээг биеэрээ үзүүлж байсан ч ойрноос нэг л зүйл санааг нь өдөр шөнөгүй зовоож, Уянгын судас нь гүрийсэн чилгэр том хөхийг бувалзан хөхөх хүүгээ орхиод гарах ч хэцүү, Дэлгэрийн шунаг тачаангуй наалинхай занг санаад гэртээ тогтож суух ч амаргүй хэцүү байдалд ороод байлаа.

Уянгаа ч ямар нэг юм мэдсэн байртай, түүнтэй хэрүүл хийхгүй ч дуугаа хураан уйтгартай дүнсгэр байх болжээ. Гэртээ ч, ажил дээрээ ч урьдын амгалан байдал алдагдаж хэн нэгэнд баригдах гэж байгаа юм шиг айдастай энэ уулзалт учирлуудыг зогсоон Дэлгэртучирлах нь зөв санагдлаа. Дээрээс будран унах  шинэхэн цасны ширхэг бүхэн гудамжинд алхаж яваа бүх хүний малгай толгой дээлийн захыг чимэн үдшийн хотын гэрэлд гоёмсог харагдах цэвэр чийглэг агаараар уушги цээжийг дүүргэх нь үлгэрийн тансаг оронд байгаа мэт тайван тогтуун сэтгэл төрүүлнэ.

Төрөө Дэлгэрийн гараас хөтлөн гантиг цагаан гудамжаар цас чахруулан алхаж хааяа нэг санаа алдан бодол болсоор нүүр рүү нь удаан ширтлээ. Хоёул ойролцоо байх нэгэн кафед орж өөд өөдөөсөө харан сууж, бие биеэ хүсэн хүлээсэн хайрын харцаар харан удаан суув. Тэгж тэгж Төрөө зовингуйран өөрийн санаа бодлыг уудлан ярьж түүнд дасч, хүсээгүй ч хайртай болсноо учирлан хэлэхэд Дэлгэр тэвчээртэй дуугүй сонсч, нүд нь түргэн түргэн анивчиж уруул нь өмөлзөн өөрийг нь болон түүний эхнэр хүүхдийг ойлгон хайрлаж байгаагаа түгдрэн байж хэлчихээд зугтах мэт хурдхан гадуур хувцсаа өмсөн гоёмсог ганган дээлээ товчлолгүй гараад явчихлаа.

Төрөөгийн цээжин дээрээс хүнд чулуу аваад хаячихсан мэт хоосон оргиж бас хүсээгүй ч хайрлаж байсан бүсгүйгээ өрөвдөн, өөрийгөө буруутган зэмлээд бушуухан гарч агаар амьсгалахаар яаран өндийв.