Сүүлийн саруудад хүнсний гол нэрийн барааны үнэ ханш огцом өсөөд байгаа нь иргэдийн амжиргааны түвшинд сөргөөр нөлөөлж байна. Хичээлийн шинэ жил болох дөхөж байгаатай холбоотойгоор хэрэглээний бараа бүтээгдэхүүн болоод бүхий л зүйлсийн үнэ огцом нэмэгдэх хандлагатай байна. Сарын цалин нь хоол хүнсээ авахад хүрэлцэхгүй байхад дахин үнэ нэмэгдэвэл хоосон хонох айл өрхийн нэмэгдэх нь.

    Үүнд анхаарал хандуулж хяналтаас гарсан үнийн өсөлтийг хяналтад оруулах шаардлага бий болоод байгаа билээ. Эрх мэдэлтнүүд ард түмний татварын мөнгөөр гэдэс цатгалан яваа. Харин ард түмэн тэдний баасыг бэлдэх гэж үхэн хатан зүтгэж байна.

  Тэд үнийн хөөрөгдлийг зогсооно гэх боловч бодит байдал дээр үнэ нэмэх, ард түмнийг төөрөгдүүлэх арга сэдэн буй аж. Үүнээс харахад манай улсын эрх мэдэлтнүүд ярьсан зүйлээ ажил хэрэг болгож чадахгүй байгаа юм. Үүний цаана өнөөх л ард түмнийг мөлжих бодлого байгаа мэт. Өөрсдийн эрх ашгийг бодон улс орны төлөө хуруугаа ч хөдөлгөхгүй байгаа эрх мэдэлтнүүдийг буулгаж Монгол улсын төлөө зүтгэх нэгнийг дээш гаргах хэрэгтэй болоод байна.

   Өнөөдрийн байдлаар нийгэм замбараагүй байдалд ороод байгаа бөгөөд эдийн засгийн хямрал Монгол улсыг тэр чигт нь нөмрөөд байгаа билээ. Ард түмний өмнө улс орноо хөгжүүлэх үүрэг хүлээсэн улс төрчид хийж байгаа ажил гэж алга.

Тэд хоорондоо хэрэлдэхээс өөрийг хийж чадахгүй байна. Энэ байдал анхаарал хандуулан ажиллах нь тэдний үүрэг гэвч үүргээ биелүүлэхгүй идэж уухаа урдаа тавих хүмүүсийн тоо олширсоор байна. Түүнчлэн үнийн өсөлт өнөөдөр ч үргэлжилсээр байна. Тэгвэл хүнсний гол нэрийн барааны үнэ ханш наймдугаар сарын 13-ны байдлаар өмнөх сартай харьцуулахад 2.5 хувь,  өмнөх 7 хоногийнхтой харьцуулахад 0.1 хувиар буурсан байна.

   Махны дундаж үнэ: наймдугаар сарын 13-ны байдлаар хонины ястай махны үнэ өмнөх сарынхаас 5.5 хувь, үхрийн ястай махны үнэ 5.9 хувь, үхрийн цул махны үнэ 9.4 хувь, адууны махны үнэ 5.4 хувиар буурч, ямааны махны үнэ 6.3 хувиар буурсан байна. Өмнөх 7 хоногийнхтой харьцуулбал үхрийн ястай махны үнэ 3.5 хувь, үхрийн цул махны үнэ 1.2 хувь, ямааны махны үнэ 2.4 хувиар буурч, хонины ястай махны үнэ 0.6 хувиар өссөн бол, адууны махны үнэ  өөрчлөлтгүй байна.

   Наймдугаар сарын 13-ны байдлаар 1 кг хонины /ястай/ мах дунджаар 6635 төгрөг, үхрийн /ястай/ мах 7485 төгрөг, үхрийн цул мах 8880 төгрөг, адууны мах 5940 төгрөг, ямааны мах 5810 төгрөгийн үнэтэй байв.

  Гурилын үнэ: Наймдугаар сарын 13-ны байдлаар өмнөх сарынхаас дээдийн дээд зэргийн савласан гурилын үнэ 0.9 хувь, дээд зэргийн савласан гурилын үнэ 0.8 хувиар буурч, 1-р зэргийн гурилын үнэ 2.0 хувь, 2-р зэргийн гурилын үнэ 7.4 хувиар өссөн байна. Харин өмнөх 7 хоногийнхоос 2-р зэргийн гурилын үнэ 2.4 хувиар буурч, бусад гурилны үнэ өөрчлөлтгүй байна.

  Будаа, элсэн чихрийн дундаж үнэ: Наймдугаар сарын 13-ны байдлаар цагаан будааны үнэ өмнөх сарынхаас өөрчлөлтгүй, өмнөх 7 хоногийнхтой харьцуулахад 0.9 хувиар өссөн бол, элсэн чихрийн үнэ өмнөх сарынхаас 2.4 хувиар өсч, өмнөх 7 хоногийнхоос өөрчлөлтгүй байна.

  Төмс, хүнсний ногооны дундаж үнэ: Наймдугаар сарын 13-ны байдлаар төмс, хүнсний ногооны үнийг өмнөх сарын дундаж үнэтэй харьцуулахад төмсний үнэ өөрчлөлтгүй, манжингийн үнэ 17.7 хувь, луувангийн үнэ 18.0 хувь, сонгины үнэ 0.8 хувь, байцааны үнэ 14.3 хувиар буурсан байна. Өмнөх 7 хоногийнхоос байцааны үнэ 2.9 хувиар өсч, луувангийн үнэ 7.3 хувиар буурчээ.

  Сүү, өндөг, ургамлын болон цөцгийн тосны дундаж үнэ: Наймдугаар сарын 13-ны байдлаар өмнөх сарынхаас савласан /1 литрийн/ сүүний үнэ 0.5 хувь, "Элекстер” /0.5 л/ савласан сүүний үнэ 2.0 хувь, задгай сүүний үнэ 9.1 хувиар буурч, өмнөх 7 хоногийнхоос савласан /1 литрийн/ сүүний үнэ 0.2 хувиар өссөн байна.  Ургамлын тосны үнэ өмнөх сарынхаас 0.2 хувиар өссөн бол, өмнөх 7 хоногийнхоос 0.2 хувиар буурсан байна. Өндөгний үнэ өмнөх сарынхаас 5.6 хувиар буурч, өмнөх 7 хоногийнхоос өөрчлөлтгүй, цөцгийн тосны үнэ өмнөх сарынхаас 1.0 хувиар өсч, өмнөх 7 хоногийнхоос 0.2 хувиар буурсан байна. Энэ мэтчилэн үнэ ханшийг буурсан гэх үзүүлэлт гарсан байна.

   Гэвч бодит байдал дээр үнэ тийм их буурагүй. Хоногийн дотор 100 дээш төгрөгөөр нэмэгдэж буй үнийн өсөлтийг хазаарлах цаг болсон. Иргэд энэхүү үнийн өсөлтөд чирэгдэж байгаа бөгөөд ядуурлын тоо нэмэгдсээр байгаа юм. Ядуурлын тоо нэмэгдэж байна гэдэг манай улсын хөгжил удаашралд орж хөгжих бус сөнөх дээрээ тулаад байгаа юм. Нүдэн дээр илт сөнөж байгаа манай улсын хөгжил, эдийн засаг хэзээ сэргэх нь тодорхойгүй. Сэргээхийн тулд ажиллах хэрэгтэй байна. Үнийн өсөлтийн талаар иргэдийн яриа.

Иргэн: Иргэдийн амьдралд үнийн өсөлт хэрхэн нөлөөлж байгааг төрийн удирдлагууд мэдэхгүй байна. Европын орнууд хүн ам иргэдийнхээ хөгжилд маш сайн анхаарч ярьснаа ажил хэрэг болгож чадаж байхад манай улсад ярихаас өөр юу ч байхгүй.

Иргэн: Бидний толгой дээр мөнгөтэй наймаачид гараад суучихсан юм чинь улсын эдийн засаг хямарч, иргэд ядуурахаас яах вэ?

Иргэн: Ард түмний өмнө улс орноо хөгжүүлэх үүрэг хүлээсэн улс төрчид хийж байгаа ажил гэж алга. Тэд хоорондоо хэрэлдэхээс өөрийг хийж чадахгүй байна. Монголыг маань өрөнд бариулж өтөнд идүүлж ялзруулж байгаа хүмүүс бол тэр суугаад байгаа шулаачид юм.

undesten