Испанийн хөлбөмбөгийн "Реал” багийн довтлогч Криштиану Роналду Аваргуудын лигийн хэсгийн тоглолтын эхний учраа болох Украины "Шахтар” багийн хаалганд гурван удаа гоолджээ. Түүний баг 4:0-ийн харьцаатайгаар ялалт байгуулав. 

Ингэснээр Португалийн шигшээ багийн ахлагч Мадрид хотын багийн бүрэлдэхүүнд багтан 33 дахь хэт-трикээ хийсэн байна. Энэ үзүүлэлтээрээ тэр "Барселона”-гийн довтлогч Лионель Мессиг ардаа орхив. Месси 32 удаа хэт-трикдсэн амжилттай яваа юм. Ийнхүү Роналду Испанийн багуудын түүхэнд байгаагүй дээд амжилтын эзэн болжээ. 

Роналду "Реал”-ын өмнөөс тоглосон сүүлчийн хоёр тоглолтод найман гоол оруулж, сүүлийн зургаан тоглолтод дөрвөн удаа хэт-трикдээд байгаа аж.