Гурван монгол охиныг хулгайлах гэж байсан гэх хятад эмэгтэйг Чингэлтэй дүүргийн цагдаагийн нэгдүгээр хэлтэс шалгаж байна. Энэ хэрэгт холбогдсон эмэгтэй нь 1984 онд Монгол Улсад төрж өссөн  Wang Fulian гэдгийг тогтоожээ.

Тэрбээр Сэтгэцийн эрүүл мэндийн үндэсний төвийн хяналтад байдаг, эрүүл бус гэсэн оноштой юм байна. Анх цагдаагийн байгууллагад мэдүүлэхдээ 57 дугаар сургуулийн дуу хөгжмийн багш гэсэн аж. Мөн "Би хүүхдүүдтэй Мобиком орж тоглоё” гэж дагуулж явсан гэдгээ хэлжээ.

Түүнийг Сэтгэцийн эрүүл мэндийн үндэсний төв рүү хүргүүлж, албадан эмчилгээнд хамруулсан байна. Дээрх хэрэгт сэжиглэгдсэн хятад эмэгтэйг Wang Fulian гэдэг бөгөөд цагдаа нарт "Би хүүхдүүдтэй Мобиком орж тоглоё” гэж дагуулж явсан хэмээн мэдүүлжээ. Цагдаа нар охидыг эцэг эхэд нь хүлээлгэн өгсөн ба тус сургуулийн гуравдугаар ангийн сурагчид юм байна.