Олон улсын хүүхдийн эрхийг хамгаалах өдрийг Монгол улс даяар тэмдэглэн өнгөрүүллээ. Энэ жилийн хүүхдийн баярын өдрийг Монгол Улс даяар харьцангуй тайван тэмдэглэж, элдэв хэрэг зөрчил багатай байсан ч эцэг, эхээсээ төөрсөн хүүхэд олон байсныг цагдаагийн байгууллагаас мэдээлж байна. Тодруулбал, өчигдөр төв талбайд 282 хүүхэд төөрсөн байсныг бүгдийг нь цагдаагийн байгууллагын алба хаагчид эцэг, эх асран хамгаалагчид нь хүлээлгэн өгчээ. Иймд эцэг, эхчүүдийг баяр ёслол, олон нийтийг хамарсан арга хэмжээний үеэр бага насны хүүхдэд тавих хараа хяналтаа сайжруулахыг цагдаагийн байгууллагаас зөвлөж байгаа юм.