Хийн түлшийг хэрэглэж дуусаад баллоныг нь заавал цоол
2017 оны 07 дугаар сарын 17-ны өдрийн байдлаар Сэлэнгэ аймагт 8 түймэр байгаагаас Ерөө суманд 3, Мандал суманд 3, Хүдэр суманд 2, Төв аймагт 10 түймэр байгаагаас Батсүмбэр суманд 6, Эрдэнэ суманд 2, Төв аймгийн Эрдэнэ суманд гарсан автомашин, техник хүрэлцэн очих боломжгүй газарт 2 түймэр, Булган аймагт 2 түймэр байгаагаас Сэлэнгэ суманд 1, Увс аймгийн Малчин суманд 1, нийт 14 түймэр асаж, Булган аймгийн Гурванбулаг суманд гарсан 1, Төв аймгийн Батсүмбэр сумын 6 түймэр нийт 7 түймрийг цурманд оруулж, бүрэн унтраахаар ажиллаж байна.
Эдгээр ой хээрийн түймрүүд бүгд хүний буруутай үйл ажиллагаанаас улбаатай. Хогоо ил задгай байгалд хаясан, татсан тамхины ишээ унтраалгүй орхисон гэх мэт олон шалтгаантай байдаг.
Бид ой хээрийн түймрээс сэргийлэхийн тулд хогоо зөв хаяж сурах хэрэгтэй.
Ахуйн хэрэглээний газ болон бусад баллонтой хийн зүйлсийг ашиглаж дууссаны дараа хог руу хаяхдаа заавал цоолж хаях ёстой. Яагаад гэвэл цоололгүй хаясан хийн түлшний (газны) сав наранд халан дэлбэрчтүймэр гарах шалтгаан болдог.
Иймэрхүү баллонтой хийн лаазны ёроол нимгэн байдаг учраас гэрийн нөхцөлд хутга, алх, бахь хадаас зэрэг
иртэй зүйлээр зөөлөн цохиход цоорно.
Харин хөдөө гадаа явж байх үед цоолох багаж байхгүй бол мод, хад, чулуунд ёроолыг нь эсвэл хажуу бөөрийг нь цохисон ч амархан цоордог.
С.Тэргэл
Сэтгэгдэл байхгүй байна.