“Астана Экспо-2017”-д Дэлхийн хамгийн хурдан автомашиныг тавьжээ
Казахстаны нийслэл Астана хотноо болж буй "Астана Экспо-2017” үзэсгэлэнгийн Их Британийн павильонд дэлхийн хамгийн хурдан автомашин тавигджээ.
"Bloodhound SSC” хэмээх энэ машин нь онгоц, пуужин болон спорт машины гэсэн гурван хөдөлгүүртэй аж.
Британийн инженерүүд ярихдаа "55 секундийн дотор 1000 км/ц-ийн хурд авсан дээд амжилтыг эвдэх нь манай төслийн багийнхны зорилго. Бид дэлхийн хамгийн хурдан авто машиныг бүтээх энэ төслөө өнгөрсөн оноос хэрэгжүүлж эхэлсэн. Энэ машин одоогоор цагт 320 км хурдлаад байна. Бид хүчин чадлыг нь улам нэмэгдүүлэх болно. Энэ оны 10 дугаар сард бид машиныхаа ээлжит туршилтыг Өмнөд Африкт хийхээр төлөвлөж байна” гэв.
Энэ машин нь бензин түлшээр ажилладаг гэнэ.
"Мөн бид энэ төслөөрөө дамжуулан дэлхийн залуу хойч үеийг шинжлэх ухаан, инженерчлэл болон техник технологид дур сонирхолтой болгохыг эрмэлзэж байна” гэж тэд ярилаа.
Сэтгэгдэл байхгүй байна.