Дэлхий байтугай ертөнцийн хамгийн хурдан хүн хэмээгдэж буй Ямайкийн тамирчин Усайн Болт 200 метрийн саадтай гүйлтийн төрөлд дэлхийн дээд амжилтыг эвдэнэ хэмээн амласан байна.

Мягмар гарагт болсон 200 метрийн гүйлтэнд Усайн Болт 20,23 секунд хурдалсан юм. Пүрэв гарагт болох хагас финалд өөрийн хамаг хүчийг дайчилж өмнө тогтоосон амжилтаа эвдэнэ хэмээн Болт ярьжээ.

Тэрбээр 200 метрт 19,19 секунд хурдалж дэлхийн дээд амжилт тогтоосон байдаг . Усайн Болт өгүүлэхдээ, надад хоёр өдрийн амралт байна. Би маш сайн амарч аваад тэмцээндээ орно. 19 секундээс дотогш хугацаанд барианд орохоор төлөвлөж байна.  Олон залуу тамирчид өрсөлдөж байна, энэ хэрээр өрсөлдөөн улам чангарч байгаа нь намайг илүү хурцалдаг юм хэмээжээ.

Тэрбээр бага байхын маш хурдан гүйдэг хүүхэд байсан тухай ээж нь ярьсан байдаг. Бүр гурван долоо хоногтой байхдаа л бусдаас өөр гэдэг нь анзаарагдаж байсан гэдэг. 

 И.МӨНХЦЭНГЭЛ