Өнөө өглөө баривчлагааны тухай дуулиан шуугианаар эхэлж байна. Энэ дотор Мэргэжлийн хяналтын газрын хэлтсийн дарга нар дурдагдаж байгаа бөгөөд зарим эх сурвалжийн мэдээлснээр тэднийг ажлын байран дээрээ авлига авч байгаад АТГ-ынханд гардуулсан гэж байна. Ямартай ч өчигдөр тус газрынхан нэлээд хөл хөдөлгөөн, айдас түгшүүртэй өнжсөн бололтой.  Дуулдаж буйгаар Мэргэжлийн хяналтын газраас 10 шахам хүмүүсийг баривчилсан гэнэ. Тэрч байтугай тус газрын хэлтсийн дарга нарын тухайн үед авч байсан авлигын хэмжээг 200 орчим сая төгрөг байсан гэх мэдээлэл  цахим орчинд явж байна.

Үүнийг мэргэжлийн хяналтын дунд шатны албан тушаалтнуудын авлигын томоохон сүлжээний мөрөөр цагдаа, хууль хяналтынхан орсон бололтой хэмээн  таамаглаж байна.

М.Нэргүй