Карандаш төсөлд хөрөнгө оруулаагүй 5 шалтгаанаа Shark Г.Амартүвшин ингэж тайлбарлав

Манай хуудсанд LIKE дарж нэгдэнэ үү

Дэлхийн 30 гаруй оронд амжилттай зохиогдоод буй ABC телевизийн "Shark Tank” бизнесийн салбарын реалити шоу манай улсад зохиогдож, Монгол HD тв-ээр өнгөрсөн долоо хоногоос эхлэн цацагдаж эхэлсэн билээ.

Тус нэвтрүүлэгт хүний хэрэгцээг хангасан, өвөрмөц содон бүтээгдэхүүн танилцуулагдаж, бизнесүүд хөрөнгө оруулалт босгодгоороо онцлогтой.



Тэгвэл өнгөрсөн долоо хоногийн Sharк Tank нэвтрүүлэгт танилцуулагдсан Карандаш төсөлд хөрөнгө оруулаагүй 5 шалтгаанаа Хас банкны ерөнхий захирал, Shark Г.Амартүвшин ингэж тайлбарлажээ.

1. Харьцангуй бага ашигтай бизнес. Гэтэл төрийн тендерт оролцож 10% хүртэл "зардал" гаргахад ашгийн хувь бүр буурахаар байсан;

2. Бизнесийн ёс зүйгүй харилцаанд орох нь таалагдаагүй;

3. Үндэслэлгүй өндөр үнэлгээтэй орж ирснээс гадна 2 тэрбум төгрөгийн үнэлгээ нь эхний жилийн цэвэр ашгийг 23 дахин үнэлсэн үнэлгээ. Ийм үнэлгээтэйгээр хөрөнгө оруулагч хангалттай өгөөж олоход хэцүү;

4. Миний тооцооллоор бодит үнэлгээ 500 сая төгрөгөөс хэтрэхгүй байхаар харагдсан. Өөрөөр хэлбэл М.Цолмон, А.Туул хоёрын үнэлгээг 4 дахин буулгах шаардлагатай байсан;

5. Ер нь энэ бизнес хоёр мундаг бүсгүйд таарсан, гаднаас хөрөнгө оруулагч орох орон зай байхааргүй мэт санагдсан. Нэвтрүүлэгт оролцсноор борлуулалт нь хурдан өсч, бизнес нь тэлнэ гэдэгт эргэлзэхгүй байна.

М.Цолмон, А.Туул хоёрт амжилт хүсээд, бизнес зөвлөгөө өгөхөд бэлэн гэдгээ дуулгая!

 

Мөн тэрбээр Уяач аппликэйшнд Chinbat Lkhagva захиралтай хамтран хөрөнгө оруулалт хийсэн таван шалтгаанаа дараах байдлаар тайлбарласан байна.

1. Багийн гишүүд нэгдмэл сонирхлоо нэгэн зорилго болгож, түүнийгээ бодит болгох алхмаа хийсэн нь;

2. Аппликэйшн нь платформ бизнес болон өргөжих, зөвхөн хурдан мориор зогсохгүй бусад малын бүртгэл, цахим худалдаа, төлбөр тооцоо хийх боломж;

3. Сошиал сувгийн нэг төрөл;

4. Хөрөнгө оруулагчийн эхний саналыг шууд хүлээн аваагүй нь эгдүүцэл бас хүндэтгэх сэтгэл төрүүлсэн;

5. Эцсийн үнэлгээг бодитой гэж үзсэн. Valuation per user зарчмаар.
 
Х.Онон
 

Карандаш төсөлд хөрөнгө оруулаагүй 5 шалтгаанаа Shark Г.Амартүвшин ингэж тайлбарлав
Манай хуудсанд LIKE дарж нэгдэнэ үү
Нэр:*
И-мэйл:
Сэтгэгдэл:
Bold Italic Underline Strike | Align left Center Align right | Insert smilies Select color | Add Hidden Text Insert Quote Convert selected text from selection to Cyrillic (Russian) alphabet Insert spoiler
top