Монголын төрийг хүчгүйдүүлсэн хуйвалдааны төр улам бүр хүчирхэгжиж ,эх орноо гэх сэтгэлгүй, ханаж цаддаггүй шуналтай

хүмүүс төрийн эрх мэдлийг хувийнхаа явцуу зорилгодоо увайгүй ашиглаж буй шударга бусын хонгилтой эцсээ хүртэл тэмцэнэ хэмээн зоригтойгоор дуугардаг байсан ерөнхий сайд асан Н.Алтанхуяг өнөөдөр хаачив.  

Уг нь 2016 оны 4-р сарын 4 өдөр Төрийн ордон хийсэн мэдэгдэлээрээ шударга бусын хонгилыг Ц.Элбэгдорж, М.Энхболд нар байгуулсан хэмээн хэн ч тэдний нэрийг дурдадгүй байхад анхлан зарлаж байсан нь саяхан.

Тиймдээ ч төрийн  дарамт шахалтад туйлдсан ард түмэн үнэхээр Н.Алтанхуяг сайд маань зоригтой МАНАН-ын бүлэглэлийг анхлан зарлалаа хэмээн ам сайтай байсан ч иргэдийн дунд өнөө л улс төрчдийн гоё үгэнд ахиад хууртсан гэх гомдол цөөнгүй бий.

Үнэндээ л өнөөх ардын баатар маань ерөнхийлөгчийн ахлах зөвлөхийн албан тушаалд очоод амаа үдүүлсэн мэт нам жим болсон. Түүнийг нь сануулж буй мэт  "Сэрж буй Монгол” гэх  ТББ-с "Шударга бусын хонгил"-ыг анхлан зарлаж, нийгмийг сэрээн Монгол түмнийг шударга үнэнд зоригжуулан зүтгэсэнд нь талархаж "Шударга үнэний төлөө зүтгэгч"  гэсэн урт гуншинтай сүртэй өргөмжлөл хүртэл  өгсөн ч Н.Алтанхуяг сайдын тэмцэл өргөмжлөл л дээр гараад бөхөж байгаад харамсах хүмүүс цөөнгүй байна.

Нээрээ л Н.Алтанхуяг сайд хаачив. Тэмцэл нь юу болов.